跳蚤市集愈夜愈人頭湧湧，左邊為小食及品牌攤檔，右邊就是專賣時裝的冷氣「溫室」。
（相關機構圖片）
場內的精美帳幕，可謂旺中帶靜，適合三五知己坐埋一檯傾密計。
貌似「溫室」的Fashion zone場地夠晒大，還不時能見到靚人型人蒲頭。
去泰國點少得逛夜市，周圍搜刮地道美食、沙冰凍飲，仲有平靚正衫褲雜物。今個夏天，文創風吹到曼谷，來到跳蚤市集TGIF market，有別於當地傳統夜市。市集選址Fragrant Park，索性將場地變成一個大花園，氣氛熱鬧猶如遊園會。這裏同樣有得食買玩，但特別在150個檔攤都是精心挑選的創意品牌，令此地瞬即成為文化潮人新蒲點，逛夜市點止逛到出汗？仲會大出血！
原來TGIF market全名為Thank God It's Flea Market──謝天謝地這是跳蚤市集，單聽名字已覺搞鬼。市集在2014年開始營運，標榜創意好坃，而且只在夏季周五至日開檔，檔期僅到7月中。一進去就會見左右兩邊排滿型格檔攤，大部分來自網絡人氣品牌，本地設計衣飾、手袋、手作等應有盡有，而且款式都較為獨特，鮮花檔、擺設檔更特別受女士歡迎。市集每周都有新品牌加入，可保持新鮮感。場內佈置還很講究，Picnic zone放滿乾草堆、鋪上麻包袋，還放置木箱、帳篷和綠色植物，感覺如像野外露營。瘋狂購物之後，可以帶埋小食飲品，和一大班朋友在這裡野餐，放鬆心情，享受寫意時光。
溫室買衫唔怕熱
曼谷入夜依然悶熱，主辦單位為免大家熱到無心機逛街，便將Fashion zone搭建成一個大型「溫室」。「溫室」內開足冷氣，還設有試身室，甚至連洗手間都有冷氣！在外面逛到攰，最啱入嚟過下冷河，繼續Shopping。除此之外，場內還有現場音樂，以及各種工作坊和活動，例如即場刺繡班，形式活潑。
凍到出煙的Summer Passion Italian Soda，為曼谷的熱情夏夜降降溫。
漢堡以新鮮牛肉或豬肉製作，絕不隔夜，夾埋芝士、番茄、生菜和自家製千島醬同吃，一啖都咬唔晒！
小八爪魚丸，每粒一隻小八爪魚，下料非常重手。
坐草堆食好東西
市集兩邊除了設啤酒吧和咖啡角，還有一家特式飲品店High Thyme Caf，所賣的一款凍飲Summer Passion Italian Soda用實驗室玻璃杯裝住夠玩味，而且凍到出煙，味道酸酸甜甜，正好消暑解渴。
創意小食當然亦不能少，如非常受歡迎的新鮮手工漢堡，可選牛肉或豬肉，用料十足。漢堡店Daniel Thaiger在兩年前開業，是曼谷第一輛人氣Food truck。我們平常吃的日式八爪魚丸，只有小小粒八爪魚肉，而Bloc 26th Takoyaki出品的，竟然用上原隻小八爪魚，賣相趣緻，難怪時常排長龍。這樣逛一個晚上，相信一定滿載而歸。
INFO
日期：即日起至7月17日
時間：1500-2300（逢周五至日）
地址：Fragrant Park, Sukhumvit Road, Bangkok,Thailand（BTS Thonglor Station Exit 2）
網址：www.tgifmarket.com
實用資料
簽證：持澳門特區護照可免簽證入境泰國30日
貨幣：MOP 1約兌THB 4.4
時差：慢澳門一小時
氣溫：全年炎熱，7月溫度約26-33℃
電壓：220V（兩腳扁插）
下載APP