去年年尾上映嘅荷里活電影《星球大戰:原力覺醒》(Star Wars:The Force Awakens)叫好叫座,外傳《俠盜一號:星球大戰外傳》(Rogue One:A Star Wars Story)將「接力」於今年12月上映,今集仲加入「宇宙最強」甄子丹同內地影帝姜文,令人更加期待。
電影公司公開最新預告片,曝光了大量前所未見的精彩場面,其中甄子丹扮演嘅盲俠Chirrut Imwe,一出場即型爆話:「我無畏懼,所有事都是原力的意願。」之後更「葉問」上身一個打十個白兵。至於萬眾期待嘅「黑武士」一角,則繼續由占士艾朗鍾斯(James Earl Jones)配上招牌聲線,雖然只喺預告片尾段現身,但仍令粉絲大為驚喜。