現年31歲嘅王君馨，憑TVB劇集《城寨英雄》中「花曼」一角成功上位。去年11月，佢同長跑11年嘅圈外男友Daniel秘密入紙排期結婚，兩人將於今年7月11日喺美國舉行婚禮。早前，王君馨同Daniel前往意大利佛羅倫斯同匈牙利首都布達佩斯拍攝婚紗照。噚日，王君馨喺Instagram率先曝光一輯婚紗照，相中佢著住西裝褸款式嘅婚紗，型格之餘，更大方曬出四吋事業線，非常性感。
王君馨大方曬出四吋事業線，非常性感。
王君馨透露西裝褸款婚紗係由Marco M Chan設計， 但自己都有份畀意見，佢話﹕「咁多件入面，剩係得呢件西裝褸將來可以著返。」問到Daniel 有冇投訴太性感？王君馨話：「喺歐洲影相會性感少少， 因為地方好華麗，啲衫同埋相影出嚟嘅感覺都比較Fashion。平時行嚟行去都有頸巾包住，影相先除頸巾。佢覺得我好靚，尤其係冇化妝嘅時候。」
王君馨同Daniel前往意大利拍攝婚紗照。
下載APP