日前，古天樂（古仔）以大使身分出席「第40屆香港國際電影節」記者會。談到不少藝人演而優則導，他坦言導演屬於另一範疇需要重新學習，將來退休了才會考慮。提及有傳他將會主演有份投資的《風雲3》，古仔表示暫時未確定主演人選，會留給電影公司公布。
古天樂透露春節期間留在香港陪家人去拜年。
在接受訪問時，古仔透露春節期間留在香港陪家人去拜年，他說：「開年、還神及拜神都係我負責，一家人每年都做一次，覺得好溫暖。」問到拜年時可有被親友催婚？古仔說：「從來都冇催婚，但心入面應該會諗，咁大個人重嚟逗利是？」他透露自己今年情人節與元宵節都在飛機上度過。
古天樂以大使身分出席今屆「香港國際電影節」記者會。
現階段唔諗導演
提及現在不少藝人演而優則導，並交出漂亮的成績表。對此，古仔表示現階段不會嘗試做導演，他說：「過去幾年都有人叫我做導演，但我覺得做演員同做導演係唔同嘅範疇，唔係話累積經驗就可以做到，需要重新學習。而家做演員已經好滿足，暫時冇諗過做導演，或者將來老咗、退咗休可以考慮下。」
對於不少藝人演而優則導，古天樂表示自己現階段不會嘗試。
想去日本睇櫻花
談到近日有傳他將會主演有份投資的《風雲3》，古仔說：「我都係睇報道先知，而家重有好多嘢未定，會留番畀電影公司公布。」問到《使徒行者》電影版的拍攝情況，古仔透露在巴西拍攝的戲分已完結，他說：「嚟緊喺香港重要拍攝兩至三個星期，我希望下一個旅程係去日本睇櫻花，但要提早半年計劃，因為我時間好難就。」
下載APP