同Bob拍住做主持

蕭正楠捧女友做「地獄廚神」
22/03/2018
41068
收藏
分享
蕭正楠捧女友做「地獄廚神」
蕭正楠捧女友做「地獄廚神」

林盛斌(Bob)、蕭正楠和張振朗為TVB新一輯美食節目《美女廚房》擔任主持。蕭正楠在主持方面屬初哥,自言是大膽嘗試,又笑指對女友黃翠如的廚藝要求好高,有機會會請她上節目煎雞蛋。問到對女友可有信心做「地獄廚神」, 他笑謂:「我對佢好有信心。」談到在節目中講三級話題,蕭正楠直言要看當事人的心情,坦言只是想觀眾笑,牛鞭和馬鞭也是食材云云。

林盛斌、蕭正楠和張振朗為新一輯《美女廚房》擔任主持。

對於首度擔任主持,蕭正楠坦言好有壓力:「驚拖垮成個節目,同埋呢個節目都係咁多人嘅回憶,但監製畀好大信心我,話節目形式同上一輯唔同,同埋阿Bob喺度我都好放心,希望可以為觀眾帶來歡樂,好難得有機會可以試下去令全場現場觀眾捧腹大笑。」至於「粥粉麵飯」的人選,Bob指暫時未有定案,但比起美女如雲,他更想節目會有更多煮得之人。

節目內容同以往唔同

Bob表示,不少網民對新節目好期待,以往鄭中基、梁漢文和方力申的主持是好多人的集體回憶,對他是里程碑及挑戰。不過,今次節目內容及角色跟以往不同,Bob揚言觀眾一定會笑爆肚:「我有留意蕭正楠同曹永廉做旅遊節目,蕭正楠係個好幽默的人,張振朗參與綜藝節目就好識去玩。今次對我嚟講係一個工作上好重要嘅里程,因為可以主持一個系列嘅綜藝節目,係我做主持人嘅夢想。」

望同拍檔擦出新火花

有記者笑指蕭正楠已經夠賤,他聽聞即爆笑:「多謝你喎!不過我都希望可以將自己生活中嘅頑皮放入節目度,好想同新拍檔擦出新火花,等我可以繼續分享多啲笑聲畀大家。」對於有網民指Bob做主持說話好大聲,他解釋:「之其實最近我真係有去控制自己聲量,亦嘗試唔好咁誇張,我發覺出嚟效果唔錯,所以好多網民嘅意見都係好有建設性。」

蕭正楠首次做主持,坦言會大膽嘗試及好有壓力。

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

相關新聞

推薦新聞

找不到相關內容

七日預報