一提起買樓，各位遊澳Guide民係咪牙痛咁聲？如果我胡慧沖話畀你哋知，有位人兄喺泰國拜完一間廟寺嘅大師，第二年就係香港旺區買咗幾層複式樓，過程係咪好夢幻呢？
先旨聲明，拜神只係信則有，我亦唔敢寫包單，不過江湖傳聞係咁傳，我就只係有嗰句講嗰句！
1
Sunthorn大師進行「吹符」儀式。
2
一吹吹來福氣。
位於泰國Suphanburi府有位叫Sunthorn嘅大師，唔少省港澳朋友都當佢做「財神」，事關佢會為善信祈福「吹符」，所謂「吹符」，大師會將蠟燭放喺口中，然後向善眾一吹，將福氣吹到祈福者頭上，之後大師仲會為善眾淋水，用意係將厄運洗走！另一得意做法，就係為善眾面上「貼金」，亦即是「金面子法事」，儀式就係將金薄貼上祈福者臉上，再口唸符咒兼在他們面上畫符，咁樣就完成整個法事！當然我要重申，成功最重要靠大家努力，祈福只係幫助，大家有機會更加要多做善事，先會有好嘅結果！
3
傳說中嘅「金面子法事」。
4
淋水沖走厄運。
地址：Wat Thacharoen Songpeenong district, Suphan Buri 72150
下載APP