天王劉德華（華仔）最近為品牌拍攝全新一輯廣告，在廣告中有四隻手的華仔大曬「特異功能」，既能一邊彈琴一邊拉小提琴，又可同時間煮飯並完成多款佳餚，還能四手同時舉重兼打破世界紀錄。華仔笑謂今次盡出所學的十八般武藝：「好像拉小提琴，其實我一點也不懂，希望今次在廣告中的『首次表演』能為觀眾帶來一個驚喜。」（ 文：植筱詩）
在廣告中有四隻手的劉德華施展特異功能。
在拍攝今次廣告時，一向工作認真的華仔非常嚴謹，拍攝現場有一名演員負責扮演華仔的另外兩隻手，為了令觀眾覺得四隻手都是屬於自己的效果，華仔與負責另外兩隻手的演員做了不少溝通及排練，希望能做到最完美的協調和配合。
如果真有四隻手，劉德華最希望能舉辦握手會。
劉德華可以同時煮飯並及煮幾味小菜。
首度彈琴好緊張
華仔在廣告中首度在觀眾前表演彈琴及拉小提琴，他坦言確實有點緊張，事前不斷練習，想一Take過搞掂：「其實我學咗一段時間，純粹係自己興趣，真係冇諗過會有一日要喺大家面前表演，所以我真係要鼓勵大家學習多啲自己鍾意嘅嘢，因為你絕對唔會知，幾時會派上用場。希望今次我喺廣告中嘅首次表演，能為觀眾帶來一個驚喜。」
劉德華首度在觀眾前表演彈琴及拉小提琴。
為家人做按摩
問到華仔如果真有四隻手，會點樣利用，他笑言最希望能舉辦握手會：「因為好多粉絲排隊排唔到，我多一雙手就可以同多一倍粉絲近距離接觸喇！」除了粉絲，華仔對太太朱麗倩和囡囡向蕙一樣錫到燶，若然有四手他會為家人做按摩師：「我希望可以學習按摩，為我至愛嘅家人提供最不一樣嘅享受。」
劉德華自爆鍾意和太太及囡囡齊齊按摩。
下載APP