世界巡迴最終站

Twins澳門大唱飲歌冧粉絲
15/10/2018
40571
收藏
分享
Twins澳門大唱飲歌冧粉絲
Twins澳門大唱飲歌冧粉絲
Twins澳門大唱飲歌冧粉絲
Twins澳門大唱飲歌冧粉絲
Twins澳門大唱飲歌冧粉絲
Twins澳門大唱飲歌冧粉絲
Twins澳門大唱飲歌冧粉絲
Twins澳門大唱飲歌冧粉絲
Twins澳門大唱飲歌冧粉絲
Twins澳門大唱飲歌冧粉絲
Twins澳門大唱飲歌冧粉絲
Twins澳門大唱飲歌冧粉絲
Twins澳門大唱飲歌冧粉絲
Twins澳門大唱飲歌冧粉絲

香港人氣女子組合Twins的「TWINS LOL 世界巡迴演唱」, 由2015開到2018, 鍾欣潼(阿嬌)和蔡卓妍(阿Sa)三年時間跑過大半個地球,完成逾20場演唱會。日前,她們來到澳門威尼斯人金光綜藝館舉行巡迴演唱會終點站,開四面台全場爆滿,並唱盡組合經典金曲。阿嬌老公賴弘國一家都有前來捧場,賴生更坐在第一行,全程望住賴太阿嬌演出,期間更拿起電話幫老婆留倩影,十分甜蜜。(文:植筱詩)

阿嬌和阿Sa玩錫錫,氣氛High爆。

老公賴弘國,阿嬌老爺奶奶專程前來捧阿嬌場。

演唱會一開始,阿Sa和阿嬌一口氣唱出〈明愛暗戀補習社〉、〈二人世界盃〉及〈愛情當入樽〉等多首快歌,兩人向觀眾表示:「你哋好勁呀!咁都買到飛,有邊個睇晒咁多場?本來以為5月係最後一場,但冇理由最後一場喺美加.?澳門近香港,又可以開四面台,呢個台根據香港場個台搭建,所以好近觀眾。」之後兩人又演唱連串慢歌,包括〈眼紅紅〉、〈丟架〉、〈飲歌〉及〈風箏與風〉等經典歌曲。

演唱會一開始,阿Sa和阿嬌一口氣唱出多首快歌。

現場四面台全場爆滿,氣氛相當熱烈。

阿嬌未有「造人」計劃

演唱會結束後,Twins接受訪問時,阿Sa透露另一半都有前來捧場,而阿嬌就表示:「我老爺奶奶都有嚟坐第一行。」講到早前同老公賴弘國一齊拍大陸真人騷《爸媽學前班》,阿嬌指:「今次節目都學到好多嘢,起碼知道我老公會係一個有耐性嘅好爸爸,不過我哋暫時冇計劃(生B),起碼兩年後。」談到12月在香港舉行婚宴,阿嬌透露正在籌備中,並緊張地說:「因為我哋仲未入紙排期,一搞掂好晒就會通知大家。」

在接受訪問時,阿Sa透露男友都有前來捧場。

各有各忙少見面

Twins今年因拍戲所以少時間見面,阿Sa說:「上星期阿嬌Send Message話好掛住我,我當堂打個突,我哋平時都唔會講呢啲。」阿嬌則表示:「我上完個真人騷《爸媽學前班》之後開朗咗,要強迫對住一班陌生人所以特別掛住你。」到握手環節期間,阿Sa突然大叫被粉絲指甲刮手背,並搞鬼說:「你哋係咪淨係鍾意阿嬌,唔鍾意阿Sa .。」到Encore環節, 兩人唱出〈朋友仔〉、〈朋友的愛〉及〈戀愛大過天〉,最後演唱會完滿結束。

演唱會結束後,Twins和台前幕後工作人員興奮合照。

余德丞獲阿Sa送祝福

TVB 藝人余德丞(Dickson)早前踢波昏迷入院,獲「全城集氣」為他加油。康復後,他和好友馬天佑齊齊現身Twins演唱會,坐握手位的他,不僅獲阿Sa上前握手, 更獲送上祝福:「咦,你好番啦?你要身體健康呀!」之後,Dickson入後台分別同阿Sa及阿嬌合照,並上載到社交網站,相中見到他怕醜仔上身,硬晒軚兼非常不自然,看來男神真的是Twins的忠實粉絲喎。

余德丞在後台分別和偶像阿Sa及阿嬌合影留念。

唔贊成粉絲轉讓票尾

講到今次演唱會門票第一日開賣就沽清,現場更有人將票尾高價轉讓,等無買到票的歌迷可以入場睇半場。對此,兩人直言這些情況好難控制:「場地可以坐一萬人,如果每個人都咁做,最高峰時期咪有三萬人入咗場囉,其實咁樣真係唔好。」阿Sa則表示自己去撲飛亦困難重重:「身邊有好多Auntie都託我訂華仔同學友嘅飛,我之前問老闆(楊受成)有冇辦法?點知老闆話『我都死啦,撲唔到飛!』你諗下我老闆都要死呀,咁我點搵到飛返嚟?」

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

推薦新聞

找不到相關內容

七日預報