《限期破案》由《衝鋒車》導演劉浩良（左二）執導。
近年在美國發展的吳彥祖，今次終於再度接拍港產片。
（左起）吳彥祖、衛詩雅及王千源擔任新戲三大主角。
吳彥祖（Daniel）、衛詩雅（Michelle）、內地實力派演員王千源主演的新戲《限期破案》，日前於內地江門舉行開鏡儀式。近年在美國生活和發展的Daniel，今次回歸港產片行列，心情非常興奮，坦言好掛住港式製作，更揚言想趁《特警新人類》20周年，與謝霆鋒、馮德倫再度合作開拍第三集。（文：植筱詩 圖：相關機構）
《限期破案》台前幕後工作人員在內地江門舉行開鏡儀式。
近年男神吳彥祖舉家搬回美國， 先後接拍荷里活大製作《盜墓者羅拉》及大熱美劇《荒原》。 Daniel今次再拍港片，他坦言這個劇本好出色，否則也吸引不到他回來：「暫時唔可以劇透，開工幾日，同導演合作非常愉快，當然拍美劇、荷里活電影都好玩，但始終我喺香港出身，呢邊拍戲好專業，其他國家拍不出香港味道。返嚟拍戲開心好多，可以跟導演研究劇本、角色。」
堅持要囡囡學中文
Daniel在新戲的獨特造型大受注目，他笑言：「我又覺得幾靚仔，型喎！」講到在片中要應付大量動作戲，Daniel說過去幾年訓練有素，毋須替他擔心：「之前拍美劇幾乎日日要打，而且九日就要拍一集，好似工廠一星期返六日，九個月不停咁拍。」Daniel向來是顧家好男人，拍《荒原》時，曾帶囡囡Raven到片場相伴，這次回內地拍戲，卻不見女兒蹤影，Daniel解釋：「囡囡第一年讀幼稚園，我想佢學好中文，我唯一後悔係細時無好好學中文，唔想佢將來都後悔。」
吳彥祖暫時仍會將家庭與事業重心放在美國。
想與霆鋒再拍檔
Daniel笑指平時扮演嚴父角色，可能Raven見不到他更開心：「但我哋每晚都有手機Facetime，保持聯絡。」為照顧年屆89歲的父親，Daniel直言暫時仍會將家庭與事業重心放在美國，未來將拍攝新一季《荒原》，空檔時會接拍其他亞洲作品，他說：「早前我去咗希臘，做霆鋒美食節目《12道鋒味》第五季嘉賓，大家傾起想拍《特警新人類3》，而家相距第一集已經20年，重要預埋馮德倫。」
近年吳彥祖先後拍了荷里活大製作《盜墓者羅拉》及美劇《荒原》。
衛詩雅瘋狂健身
衛詩雅今次擔正女主角，原來她在開拍前已秘密練兵，為打戲做足準備功夫：「我要演打得最勁嘅角色，唔想輸畀其他男仔，所以請健身教練操練，今日練手、明日練腹、後日練大髀，教練話我太瘋狂了，居然叫我休息，唔使日日嚟。」對於早前陳家樂指她狀態極Fit， Michelle直言還不夠：「現場睇到其他男演員，手瓜等如我隻腳咁粗，我要更加努力，飲奶粉同戒油、鹽、糖，要催谷到更加大隻。」
打到同場演員嚇親
首天開工，Michelle已毫不錫身， 令其他演員刮目相看，就連王千源亦表示：「為甚麼你每個鏡頭都要真做？還有50多天要打啊。」Michelle坦言，知道有女武師候命，還要是幪面上陣，但不想用替身：「練咗咁耐，唔可以打覺得好唔值，就算無自己戲，我都會在片場偷師，希望有咗今次經驗，第日人哋講起動作片，會記得衛詩雅打過，多一條出路都好。」
王千源異性緣暴增
Michelle曾與Daniel在《沖天火》合演夫婦，一別數年，她覺得Daniel靚仔如昔。她笑言：「收到很多朋友來電要求探班，但其實都唔係嚟探我，佢哋想見嘅係Daniel。」王千源也笑謂有相同遭遇：「最近收到很多女生的電話，要求吳彥祖的簽名。」他指印象中的Daniel是人氣偶像，合作後卻有不一樣的體會：「之前跟張震合作，他好打得，原來吳彥祖都一樣打得，令我有點緊張。」
下載APP