韓國男團EXO前中國籍成員鹿晗，繼早前被爆持「自由行」觀光簽證喺台灣打黑工後，日前又爆出同新戲《盜墓筆記》劇組鬧不和。鹿晗有份演出嘅《盜墓筆記》已經完成拍攝，電影公司日前公開電影宣傳照片，有傳鹿晗同內地男星井柏然因演員排名爆衝突，井柏然經理人更喺微博暗串鹿晗唔專業，經常缺席電影拍攝，引嚟雙方粉絲喺網上互罵。
鹿晗繼早前被爆喺台灣打黑工後，日前又爆出同新戲劇組鬧不和。
對此，鹿晗嘅工作室喺官方微博出面反擊，並表示：「鹿晗一直以認真負責任的態度對待所有工作。有幸參演電影《盜墓筆記》，我們希望有更多的人可以關注。我們尊重片方，各合作方，同行演員和所有工作人員。」事實上，當一部電影有兩位或以上嘅巨星時，演員排名就會令到電影公司非常煩惱，例如早前《畫皮》嘅周迅同趙薇，仲有《功夫之王》嘅成龍同李連杰，都有同樣嘅問題！
鹿晗同內地男星井柏然因演員排名爆衝突。
下載APP