自從做左化妝之後

照一照鏡
嘩!!!! 無誇張!!! 個底妝完全無溶過!!! 亦無因水份既流失而出左好多油tim!!!
果次...
就係妝前用左NARS AQUA GEL打左個底
加上我力推既LAURA MERCIER濕粉(下面介紹)
溝上1:1既NARS BRIGHTENING SERUM
就係呢三寶...打救左我! 唔怕溶哂妝堵塞毛孔 (當然不建議大家咁做啦)
自此之後...佢地就係我底妝三寶

雖然貴d, 不過用係面度...真係值得架!

打左個保濕底, 好讓皮膚有足夠水份, 唔會因為底層太乾而出更多面油
係用濕粉前, 會因應不同皮膚打上一層base

-BASE-

GIORGIO ARMANI FLUID MASTER PRIMER - 唶喱狀質地, 一推開變左做好滑好爽既粉狀, 通常會係毛孔粗大既位置搽上, 填平睇落凹凸不平既毛孔

M.A.C. SKIN BASE VISAGE - 透明帶珠光lotion既質地, 薄薄一層推開, 皮膚即刻變得好有光澤, 滋潤又唔怕笠, 好適合比較暗啞既膚質

LAURA MERCIER FOUNDATION PRIMER - 比唶喱再稀小小不帶閃底, 平日上班化妝前用就最岩, 推開後好滑, 真係有'silk'既效果, 唔想個妝太閃好似好油咁就岩哂!

-粉底-

粉底真係好多選擇, 保濕, 美白, 遮暇咩都有...

好難講咩牌子岩你, 咩型號岩你, 個個底質都有唔同, 一定要自己試清楚

而我自己就好鐘意 LAURA MERCIER SILK CREME FOUNDATION

介紹比大部分既朋友客人都反應都ok喎

首推 - LAURA MERCIER SILK CREME FOUNDATION - 薄cream狀, 睇落有小小厚, 一推外, 意外地薄同貼, 可以做到基本膚色不均, 黑眼圈既遮暇, 亦有適度既保濕, 唔怕出油, 唔怕氧化變黃, 試過做姊妹, 個妝由6am到第日4am都係出左小小油, 但完全無花到...勁!

次推 - GIORGIO ARMANI LUMINOUS SILK FOUNDATION - 比 LAURA MERCIER 薄少少, 推開初頭好似有少少油既感覺, 一推開後, 完全唔油而且貼, 而且做到一層SILK既效果, 加埋碎粉效果薄得黎有啞致感. GOOD!

有好多朋友都以為, 面上有印就一定要落多d粉底搽厚d去遮...

錯 錯錯! 其實大家要遮既地方都不外乎係眼圈暗瘡印等, 搽左粉底已經會有適度既遮瑕, 呢個時候不妨去光猛既地方照照睇下遮瑕足唔足夠(太陽光下妝效會係最自然), 如果唔夠既話, 就係遮瑕膏出場既時候啦, 遮瑕膏既遮瑕密度比粉底細,一點既遮瑕膏功效係粉底既3倍同時比粉底亦薄3倍, 要遮, 就梗係要遮得又薄又貼啦!

推介- IPSA 呢 個3色遮瑕膏, 薄得黎可以做到好貼既遮瑕, 遮眼圈既位置都唔易起摺紋, 可以keep到好耐, 而最好就係一次過有齊3隻色, 每人既膚色不多不少都會有d出入, 市面上既遮瑕膏可能都只係得2,3隻色出售, 好可能未必一定fit你既膚色, 呢個3色遮瑕, 可以比你自己溝出最岩你最自然既色

-乾粉/碎粉-

一直以黎, 我都著重自然透薄既妝效, 碎粉既質量亦有著大大既影響, 係試過又試後, 最後陪住我出JOB既就係佢地

首推 - 雪花秀 - 係就係貴d, 不過試過之後真係物有所值, 一上面, 陣陣既人参味令你覺得除左化緊妝外仲幫自己塊面補一補, 色澤方面, 帶有一點點matt既效果, 令你全日睇落摸落都有滑嘟嘟既感覺, 控油效果好好, last足一日都唔會出油, 係出job既必備product!

次推 - COVERMARK - 另一必備就係呢個loose powder, 貼薄得黎好有shimmer既效果, 全面上雪花秀後便會用COVERMARK做highlight效果掃係額頭, 鼻尖, 下巴等光影處, 讓整個妝效帶有立體的小臉效果

次推 -  M.A.C. STUDIO PERFECT SPF 15 FOUNDATION - 有時出化妝外影, 為左配合燈光, 底妝需要做得matt一點, 太shimmer就會有油光滿面既效果, 所以我會用呢個乾粉直接代替以上碎粉, 買呢盒之前我同大家一樣都會覺得乾粉就一定係得個乾字, 好似笑一笑都會裂開果隻, 但呢個乾粉值得推仲之處就係佢一d都唔乾甚至可以做到保濕效果, 好似而家我用左一日又曬左一日都唔油唔乾, 岩岩好, 對化足一日妝又影足一日相既新娘子黎講係一個好好選擇!