破格演「跛豪」

甄子丹:唔會再演反派

13/09/2017 00:00:38
18169
收藏
分享

天王劉德華、「宇宙最強」甄子丹首度合作的新戲《追龍》,將於本月月尾上映。日前,甄子丹和導演王晶出席記者會宣傳新戲,他表示和劉德華合作有如「圓夢」。一向演開葉問、陳真等正派人物的甄子丹,今次在戲中飾演大奸角「跛豪」,他直言今次是最後一次演反派角色,因為太入戲,要抽離不容易,非常痛苦。

甄子丹表示和劉德華合作有如「圓夢」。

身手了得的甄子丹在片中飾演一代梟雄「跛豪」。

電影《追龍》講述劉德華飾演的華人探長雷洛,扶持甄子丹飾演的阿豪爬上黑幫大佬之位,兩人成為一黑一白的好兄弟,統領黑白兩道,互相成長同時又互相制衡。談及電影將兩個經典港片角色「雷洛」、「跛豪」結合,王晶表示:「雖然都係講上世紀70年代嘅故事,但大家唔好抱住當年《五億探長雷洛傳》或者《跛豪》嘅心情去睇,今次電影係一種新嘅感覺,完全唔一樣。」

劉德華和甄子丹飾演一黑一白的好兄弟,互相成長又互相制衡。

甄子丹和導演王晶出席記者會宣傳新戲。

劉德華再度飾演雷洛

當年在《五億探長雷洛傳》中,劉德華以30歲的年紀演50歲的雷洛,如今相隔多年後,再度演同一角色,不少粉絲好奇他會如何重新塑造當年的經典角色。對此,王晶表示:「其實呢個問題我都想知道答案,畢竟當年劉德華30歲就已經演得咁好,而家佢嘅年齡同角色雷洛相當,我都好想知道以佢目前嘅狀態,點樣將呢個角色發揮到最好。」

劉德華相隔多年再度飾演五億探長雷洛。

王晶冇強制華仔演出

王晶笑言自己絕對沒有「強制」劉德華演出:「同劉德華合作咗30幾年,佢係一個非常爽快嘅人,佢唔想做嘅事會直接話你知,今次搵佢,佢冇猶豫就應承咗,證明佢好鍾意呢個角色。」至於安排身手了得的甄子丹飾演「跛豪」,王晶表示:「今次係劉德華同甄子丹第一次合作,絕對會有不一樣嘅火花,如果搵梁家輝、張家輝嚟演,反而冇乜新鮮感。」

甄子丹拒絕再演反派

儘管王晶對自己組建的班底信心十足,甄子丹卻糾結幾個月才答應演出,他說:「我拍戲有一個宗旨,就係希望傳遞一啲正能量,突然你要我演反派,我點同屋企嘅小朋友解釋?」甄子丹表示作為演員必須要有新鮮感,但今次的角色拍得好沉重:「呢個角色屬於反面教材,我唔打算畀小朋友睇呢部戲,今次應該係我最後一次飾演呢種角色。」

甄子丹直言拒絕再演反派角色,因為太入戲,非常痛苦。

對手戲夠火爆

談到和劉德華首度合作,甄子丹坦言有如「圓夢」,他說:「今次最興奮就係有得同劉德華鬥戲,我哋啲對手戲好火爆,非常精彩。」王晶亦表示:「甄子丹同劉德華喺戲入面有三、四場對陣嘅戲,喺現場拍攝時我都好緊張,因為完全唔知佢哋會點演,最後用咗四、五部機,畀佢哋自由發揮,結果出嚟非常好。」

在新戲中,甄子丹將演出不少精彩的打鬥場面。

收藏
分享

相關新聞

找不到相關內容

實時天氣

溫度
26/32°C
濕度
70/95%
多雲,部份時間有陽光。有幾陣驟雨。吹3至4級偏東風。
天氣資料由地球物理暨氣象局提供
在澳門時間 2017-09-20 00:11 發佈

七日預報

9月21日 (四)
溫度 26/31°C
濕度 75/95%
多雲,短暫時間有陽光。有幾陣驟雨。吹3至4級偏東風。
9月22日 (五)
溫度 25/30°C
濕度 80/95%
大致多雲。間中有驟雨。吹3至4級東至東南風。
9月23日 (六)
溫度 25/30°C
濕度 80/95%
大致多雲。間中有驟雨。吹3至5級東至東南風。
9月24日 (日)
溫度 26/31°C
濕度 75/95%
多雲,短暫時間有陽光。有幾陣驟雨。吹4至5級東至東南風及有陣風。
9月25日 (一)
溫度 26/31°C
濕度 75/95%
多雲,短暫時間有陽光。初時有幾陣驟雨。吹3至5級東至東南風。
9月26日 (二)
溫度 26/32°C
濕度 70/95%
多雲,部份時間有陽光。吹2至3級南至東南風。