自爆食保健品 準備雪卵

蔡卓妍表示暫時未有結婚計劃，更自爆準備雪卵。

蔡卓妍兩位姊妹祖兒和阿嬌都先後雪卵，她亦已開始食補給品。

蔡卓妍和一眾藝人出席放水燈活動，她願望是身體健康和日日開心。

談及「造人」計劃，周勵淇表示會順其自然，但大呼好大壓力。

蔡卓妍和周勵淇一向好姊妹，出活動都一齊。

昨日，蔡卓妍（阿Sa）和好姊妹周勵淇（Niki）一齊出席香港舉行的「洪聖傳統文化節」活動，並進行許願放水燈祈福，阿Sa透露願望是身體健康、日日開心；而Niki則希望身體健康及平安大吉。講到有傳阿Sa今年結婚，她表示暫時未有打算，更自爆準備雪卵：「食咗補給品幾個月，之後要持續十日打荷爾蒙針，打完會肥，到時真係要閉關。」 （文：植筱詩）

有傳阿Sa年底與拍拖兩年的「富三代」男友石恆聰結婚，她則在活動上否認：「冇咁嘅事，暫時未有計劃，我都唔急結婚，係其他人急，日日都催，真係吹漲。」問到是否要奪影后才肯結婚？阿Sa顯得非常無奈地說：「結婚同獎項唔係自己控制到，所以唔好諗，結婚唔係一件兒嬉事，好慎重，去到嗰個時刻就係。」她亦拒絕玩即興：「兩人相處要好充足，婚後係另一種生活。」

怕雪完卵肥腫難分

阿Sa亦表示未準備好生小朋友，對於「龍虎豹」兩位姊妹容祖兒和鍾欣潼都先後雪卵，阿Sa自爆一早就有計劃雪卵：「已經食咗補給品幾個月，食完先可以做，之後要持續十日打荷爾蒙針，打完會肥，要肯定自己唔出嚟見人先得，要做大量運動，所以而家日日都做Gym。」問到何時會正式實行，阿Sa坦言暫時未有時間：「到時真係要閉關，我係肥底，驚到時肥腫難分，大家應承我肥咗唔好話我肥，我有自知之明會減。」

指雪卵非常普遍

問到此舉是否獲男友石恆聰及家人同意？阿Sa說：「佢OK。」她坦言有這個打算時反而是告知媽媽先：「只要媽咪OK，任何人講乜我都會去做，因為我係來自我媽咪。但最擔心係要自己打針，嚇死人咩？所以要好得閒先得，到時會日日搵醫生打針。」阿Sa表示身邊好多朋友都有雪卵：「好普遍，香港未結婚可以做，但生小朋友就一定要結婚先，咁樣件事好啲，對小朋友同家庭健全啲，但都因人而異。」

提「造人」壓力大

新婚不久的Niki聽完亦為阿Sa發聲：「佢好慘，成日畀人逼婚。」阿Sa指Niki結婚前都有問她意見，通常處理別人的問題會比較理智。Niki同時分享婚後心態，她表示：「冇乜特別，或者未有小朋友，好似拍拖感覺，佢開心就得啦，大個女仲叻過我。」談及「造人」計劃，Niki表示會順其自然，但大呼勁大壓力：「個個都問我，一陣又話我著鬆身衫係咪有咗，真係未咁快。