(劉丹今次在《愛‧回家》化身Rapper。)
(有網民笑「大四喜」應該要正式加入樂壇。)
TVB近年不少黃金劇集收視和口碑都未如理想，但唯獨周一至五晚播出的8時處境劇《愛．回家之開心速遞》，播出以來口碑不斷，甚至收視愈播愈高。除了演員把劇中角色發揮得十分好，令不少綠葉憑劇上位，就連編劇都似乎睇通網民意見，順應民意去發展劇情。昨晚（26日）一集，終於輪到橫跨多代《愛‧回家》的男主角75歲劉丹發圍，他聯同幾位資深老戲骨化身Rapper晒Rap功，片段被網民一日內瞬間瘋傳。
劇情講到，劉丹飾演的「熊樹根」孖住羅樂林、陳榮峻及黎彼得參加Hip Hop音樂比賽，以耆英姿態組成「大四喜」。現場更模仿到和內地的音樂比賽節目一樣，更有演員扮成「吳亦凡」和「G.E.M.」做評判。最抵死當然是當中的歌詞，講到「Hey乜嘢叫做IG我哋唔知，我哋淨係知企上台我哋可以。一味玩IG，一味講呢啲問你點知。」其中最後黎彼得Rap的一段更有大讚廣東話的意思，令網民一面讚好。
(編輯：黎永樂 陳妙芝)
下載APP