甄子丹扯火開腔講真相

(甄子丹與太太汪詩詩（左），帶著女兒出席慈善籌款晚宴，可惜換來一肚氣。)

(汪詩詩在IG上為遭到歧視吐苦水。)

日前香港舉行「amfAR 2019香港慈善籌款晚宴」，活動每年都吸引全球巨星雲集。但今年則發生了一段歧視風波，事緣「宇宙最強」甄子丹與太太汪詩詩跟女兒都有出席晚宴，但活動未開始汪詩詩則拉埋丈夫和女兒提早離場，她在IG嬲爆留言話飽受外國人歧視，十分不滿。更以今屆「奧斯卡」最佳電影《綠簿旅友》來形容自己的遭遇，她力指外國主辦單位很不公平，無人安排人手指示，現場也很混亂，最後更hashtag「中國人不是東亞病夫」。

事件愈演愈烈，流言在網上滿天飛，有傳公關和在場工作人員爆料揭內幕，天機公關負責人鄭詩韻則指主辦單位安排不周：「有人同我哋講佢枱位置好唔靚，當時冇人知道佢哋係星，當咗佢係一個普通賓客，冇人入去……但係聽嘉玲姐（劉嘉玲）講去呢啲活動係要自己照顧自己。」更多的匿名人士甚至爆料話：「為宣傳電影屈人歧視，依家班鬼佬嬲到爆炸，被人話歧視仲嚴重過偷嘢，搞到咁大單嘢都唔知點收科」、「可能佢唔抵得嘉玲姐有得坐正中間嗰枱。」。

揭外籍女士態度差

結果甄子丹忍不住扯火為事件首度開腔，將事件真相還原，他說：「我都明白，多人實會咁，我入場時都已經有好多人搵我影相，我見開始混亂，就入咗Ball Room，點知裡面有一班PR團隊，其中一位外籍女士，佢非常無禮貌咁叫我哋出去。我唔明白點解要咁唔禮貌？但當時都有好多外地藝人喺入面。」當他受到不禮貌對待後，則忍無可忍，更嬲爆話：「太太見嗰位外籍女士態度咁差，就要求見團隊負責人，一位外籍男士就過咗嚟，佢用非常唔友善嘅眼神望咗我哋一眼，我太太都未講完，佢就掉頭走咗，連基本尊重都冇，所以先至決定離開。」

傳有20個助手超荒謬

提到有指子丹帶了一共20個助手到場，又嫌座位不佳而離場，子丹直情以荒謬來形容，他認為應該有人想推卸責任，搞是搞非，歪曲原本事實。

(編輯：黎永樂 陳妙芝)