適逢今年5月是入行15周年紀念，Twins相隔五年在廣州舉行「Twins LOL世界巡迴演唱會」，兩人開場時即與粉絲萬人大合唱，令場內氣氛高漲，其後粉絲更站起來隨著音樂起舞，怎料卻被場內的公安阻止，Twins見狀只好說：「我哋難得15周年大派對，唔好理咁多，大家一齊起身跳舞啦！」
入行15年的Twins，在廣州舉行巡迴演唱會。
這次演唱會Twins由四面台改為三面台演出，所以要花時間重新排練，演唱會一開始已經是萬人大合唱，有不少粉絲更站起來跳舞，怎料卻被在場的公安阻止，令Twins忍不住說：「如果佢哋（公安）唔畀你企，你咪扮坐低，之後又再起過身囉！」
開場時，兩人即與粉絲萬人大合唱，令場內氣氛高漲。
出道15年 感情深厚
在完場前，Twins談到已經出道15年，阿Sa說：「眨下眼就15年， 時間過得太快，而家回想好似係前幾日啱啱出道一樣，好開心15年來阿嬌一直喺自己身邊，同我一齊度過好多日子。」而阿嬌就話：「好多謝大家一直以嚟咁支持我哋，希望接下嚟有更多嘅15年啦！呢15年我最想同阿Sa講：『我愛你！』」
Twins談到已經出道15年，兩人都感謝對方一路在身邊陪伴自己。
Twins互相激吻
其後，Twins被問到公然叫粉絲挑戰公安，起身跳舞一事時，她們兩人解釋：「唔驚啦！難得15周年，其實Twins粉絲都好乖，現場又有咁多工作人員，所以都好放心。」此外，Twins在廣州市舉行粉絲見面會，兩人當日玩得非常興奮，在情到濃時，更在一班粉絲面前互相激吻，展示深厚的姊妹情，睇到一班粉絲非常肉緊！
兩人在粉絲見面會上互相激吻，睇到一班粉絲非常肉緊！
下載APP