吳卓羲回歸樂壇，將於今年計劃推出EP。
吳卓羲和林峯今年都在音樂上有新搞作，網民期望下個輪到黃宗澤。
吳卓羲表示和鄧智偉為了演出，最近差不多日日見面練歌。
林峯在《使徒行者》中的角色大受歡迎。
吳卓羲和鄧智偉在慈善晚宴上演出。
吳卓羲（Ron）日前和音樂人鄧智偉出席慈善晚宴，打頭陣擔任表演嘉賓的吳卓羲，由負責作曲的鄧智偉伴奏獻唱〈別怪她〉。他指兩人為了演出，最近不斷練歌，差不多朝見口晚見面，原來兩人更計劃今年將〈別怪她〉製作15周年下集版本。剛巧好兄弟林峯今年也透露為TVB唱歌，是否要和對方於樂壇一決高下？吳卓羲笑笑口答：「唔係咩呀！剩係佢攞？」 （文：植筱詩）
吳卓羲表示本來只是個人演繹，後來知道鄧智偉同場演出，於是邀請對方彈鋼琴伴奏，覺得合體表演別具意義：「首歌係鄧智偉15年前作畀我嘅，今次一齊做慈善，係個好好嘅紀念。年初約鄧智偉食飯聚會，已經向佢邀歌，〈別怪她〉已經15周年，想搵佢寫首續集〈別怪她我又要〉，哈哈哈！」鄧智偉表示〈別怪她〉是兩人首度合作的歌曲，好值得紀念再做，新歌會今年內成事。
計劃年內出EP
問到Ron今年是否打算參加樂壇頒獎禮，和好兄弟林峯搶獎？他笑言：「唔係咩呀，剩係佢攞呀！講笑，我只係覺得15周年後，再做返15年前嘅事幾有趣。」吳卓羲透露正計劃推出EP，即使不是唱鄧智偉的作品，也必定要由對方監製。鄧智偉即笑指吳卓羲好勤力練歌，但只是近幾日的事，吳卓羲即解釋之前忙拍劇。
林峯5月來澳開唱
另一邊廂，回巢TVB唱歌兼拍劇的林峯，最近受訪時澄清沒有簽約星夢，強調是合作。他表示：「我係回歸《使徒行者3》呢個Project，可能會提供一啲音樂，睇吓可唔可以幫助到個劇，純粹係劇集上嘅合作。」他並指現時隸屬古天樂旗下的「天高娛樂」。除了拍劇，林峯還於下月11日在澳門舉行《Heart Attack》演唱會，門票於今日（4日）公開發售。問到女友張馨月會否來澳捧場？林峯即封嘴，堅拒提感情事。
下載APP