剛剛公布老婆懷孕的杜德偉（Alex），出席街舞比賽做頒獎嘉賓，心情非常好的他更即場大騷舞技。Alex坦言這兩天一直收到朋友和粉絲的祝福，他說：「同老婆結婚三年，一開始唔多想要小朋友，覺得會分薄大家嘅愛同專注。大概半年前，我哋改變咗睇法，之後請教家庭醫生意見，足足努力咗一個月，發現有結果真係好開心。」
杜德偉坦言同老婆目標生六個，工作到80歲都冇問題。
Alex透露老婆現時懷有五個月身孕，沒有妊娠嘔吐，暫時未有無理取鬧或突然要求買想吃的食物。Alex說：「同老婆目標生三個，最多可以有六個，之後會努力工作賺奶粉錢，工作到80歲都冇問題。」現時社會對於養育孩子有很多意見，但Alex覺得活在當下最重要，他說：「有好多人畀意見我，但我想自己一步步去體驗，都係人生一大樂趣。」
杜德偉同老婆結婚三年，如今終於「造人成功」。
下載APP