劉德華笑稱拍攝《拆彈專家2》的過程十分暢順，可能跟導演的表達能力有關。
新戲煞科後，劉青雲透露會陪老婆郭藹明去旅行叉電。
劉德華現在會稍作休息，之後就要為演唱會綵排。
鄭秀文受「安心偷食」打擊，劉德華指會私下聯絡慰問。
劉德華和劉青雲事隔多年再度合作，依然默契十足。
黃秋生在意大利電影節攞獎，被青雲和華仔逼對方請食飯。
吳卓羲（左）指今次拍攝比上集開心，因戲份較多。
劉德華（華仔）、劉青雲、黃德斌和吳卓羲等人為主演的新戲《拆彈專家2》日前出席煞科宴，導演邱禮濤亦有現身。華仔和青雲事隔17年再度合作。雖然動作戲連場，但兩人大讚電影拍攝進度非常暢順。講到暢順原因，他們大爆拍攝危險場面時導演不斷送「驚喜」，嚇到個心離一離，未驚完已經拍完。 （文：植筱詩）
華仔和青雲接受採訪時，兩人指電影拍攝進度非常暢順，雖然動作戲連場，但青雲說：「一啲都唔辛苦，劇組同導演喺過程排得好好，拍得好順。」兩人又笑稱拍得暢順可能跟導演的表達能力有關，青雲說：「導演試戲嘅時候，明明係咁易吊高少少，到正式拍一下子吊到七樓咁高，等你哋未開始驚已經拍完。」華仔亦笑言其中一幕要坐直升機，又是一開機就飛到上屋頂，嚇到個心離一離。
華仔私下慰問Sammi
完成今次拍攝後，兩人表示可以短暫休息，青雲透露會陪老婆郭藹明旅行叉電：「我係放假，暫時冇咩做，講到好似好遊手好閒咁。」而華仔則表示9月會為演唱會做星馬巡迴，故現時會稍作休息，之後就要為演出做綵排。「安心偷食」事件轟動全城，鄭秀文（Sammi）和許志安的關係有第三者介入，感情受到打擊，問到華仔身為Sammi好友可有聯絡慰問對方？他說：「呢啲我私下會同佢講。」
秋生攞獎被逼請食飯
提及黃秋生早前在意大利烏甸尼遠東電影節獲頒「傑出成就金桑獎」，問到兩人會否一起宴請秋生吃飯慶祝？青雲笑言：「佢攞到傑出成就獎，應該要請我哋食飯。」在旁的華仔聽聞亦和議說：「我哋一路都好支持佢.，都真係好替佢開心！」談到秋生講過以後接戲會改用分紅制，問華仔下次和他合作時會否效法？華仔說：「我畀最高酬勞。（秋生指分紅可以收更多？）你唔好信呢啲，其他人畀到我畀唔到，哈哈！」
吳卓羲拍攝趁機集郵
同場的吳卓羲指今次與青雲有不少對手戲，更可以趁機集郵：「之前集郵差劉青雲一個，而家齊晒喇，可以再集多次梁朝偉，之前同佢拍咗套《風再起時》，最想集當然係發哥（周潤發）。」他指今次拍攝比上集更開心，戲份也多了，但拍攝動作場面亦難免有受傷。至於有份演出的黃德斌則表示在TVB時未和青雲合作過，故今次合作和他有不少對手戲，看著他演戲已經覺得佷享受。
下載APP