張敬軒為澳門觀眾準備了新歌衫。
日前,張敬軒(軒仔)於澳門威尼斯人金光綜藝館舉行一連兩場《HinSideOut 2019張敬軒演唱會》。
軒仔以紅色印第安透視裝登場,獻唱經典Hit歌〈酷愛〉,見到他明顯圓潤兼腰間長了不少肉,有歌迷大叫:「肥咗嘅?」軒仔亦自嘲:「我唔可以鞠躬太多次,因為頂住個雞冠頭(印第安頭飾),同埋個肚腩。」唱〈靈魂相認〉時,投入演出的軒仔唱到跪低,隨後驚呼:「我真係肥咗,我跪爛咗條褲呀!」而軒仔在Encore環節送上驚喜,首次以「火龍果」身份扮容祖兒唱惡搞歌〈Pretty Hungry 〉,全程扭腰趷籮,笑爆全場。