打算四年後結婚

昨日，容祖兒與一眾型男在髮型屋拍攝廣告。由於下星期便是容祖兒的36歲生日，所以她笑說：「以後造型唔可以咁可愛啦！要趁而家盡情做。」提到有網民留言叫容祖兒和劉浩龍趕快結婚一事，容祖兒就懶理咁答：「佢哋鍾意講乜就講乜！」不過，在傳媒的追問下，容祖兒終於開金口透露打算在40歲時結婚。

容祖兒透露打算於四年後，即40歲時結婚。

昨日，容祖兒到彩虹邨一間舊式上海髮型屋，與日本網路紅人一起拍攝廣告，除了髮型屋外，他們也去了很多富有香港特色的地方拍攝。剛完成拉闊演唱會的容祖兒，本來矢口否認男朋友劉浩龍沒來看，但後來李克勤在網上貼出合照，力證劉浩龍當晚在場，容祖兒就改口說沒刻意隱瞞此事。

身穿西裝長褲的容祖兒，以中性打扮拍攝廣告。

李克勤讚祖兒大方

問到生日會如何和劉浩龍慶祝？容祖兒表示：「我都唔知當日使唔使開工，但李克勤話要為音樂會彩排。」問到李克勤放她和劉浩龍的合照上網一事，容祖兒說：「克勤放相上網經過我同意，佢好少會做啲未經我同意嘅事，佢問我放唔放相，想放三個人定係四個人（包括劉浩龍），我就話放四個。李克勤聽到後就即時話：『咁咪好囉！大大方方。』」

早前容祖兒指劉浩龍沒有看她的演出，但其後李克勤貼出合照卻見到劉浩龍。

拒絕網上放閃

至於祖兒何時才自行放和男朋友的合照上網？祖兒尷尬地說：「我自己唔會跟隨潮流喺網上放閃，只會做啲老土事。大家替我開心我就已經開心，雖然所有事已知道，但都唔使咁高調。」追問她下次放相是否結婚的時候？祖兒指不會那麼快。問她打算何時才結婚？祖兒間接透露打算在四年後，即40歲結婚。

容祖兒與日本網路紅人一起拍攝廣告。