由中國星投資嘅《封神傳奇》獲邀出席上海電影節，除咗老闆向華強同向太陳嵐，一眾主角包括：李連杰、范冰冰、黃曉明、古天樂、梁家輝等，都有行紅地毯。當晚，佢哋仲搞咗個「封神之夜」，連阿里巴巴主席馬雲都畀面出席。據了解，原來李連杰、馬雲同向太陳嵐一向老友鬼鬼，有傳佢哋仲想一齊合作拍電影！
《封神傳奇》獲邀出席上海電影節，一眾演員現身紅地毯。
最近馬雲對影視業務虎視眈眈，一心想拍一部國際大片，有傳馬雲已經透過李連杰嘅介紹，搵嚟李安開拍一部古裝片。至於拍完《封神傳奇》嘅中國星，向太就話：「未來都係拍大片為主，下一部落實由杜琪峯、韋家輝拍，演員有鞏俐、劉德華同向佐。」問到佢同馬雲會唔會有合作？向太就話：「馬雲想攞《封神傳奇》內地發行，但我已經畀咗于冬。我同馬雲識咗十幾年，唔一定合作先見面嘅。」
黃曉明同向太陳嵐一齊出席「封神之夜」。
下載APP