Lady Gaga強忍眼淚表達對事件嘅悲痛。
Lady Gaga喺悼念活動上逐一讀出遇害者名字。
日前，美國奧蘭多同志夜店發生槍擊案，導致50人死亡，至少53人受傷。事發後，雙性戀天后Lady Gaga第一時間喺Instagram貼出手持彩虹旗嘅相，支持同性戀者。其後，佢又低調出席洛杉磯市民為槍擊案死者舉行嘅悼念活動。Lady Gaga對兇徒選擇喺同志酒吧下手感到非常痛心，更形容今次襲擊係「對人性的攻擊」，並逐一讀出遇害者名字，場面感人。
Lady Gaga以一身全黑裝扮現身活動，佢強忍眼淚表達對事件嘅悲痛。Lady Gaga話：「我們目擊了美國史上最大型的槍擊案，這種程度的仇恨，是對人性的一種攻擊。我作為一個人，謙卑地與大家聚在一起，在這個真實的時刻，悼念失去的這群無辜及美麗的人。」Lady Gaga話悼念活動係為咗向LGBT族群（同性戀、雙性戀、跨性別戀者）同失去摯親而感到悲傷嘅人致意。
下載APP