謝安琪田蕊妮邀古仔做嘉賓

吳鎮宇搶住爭埋一份
08/08/2019
28185
收藏
分享
吳鎮宇搶住爭埋一份
吳鎮宇搶住爭埋一份
吳鎮宇搶住爭埋一份
吳鎮宇搶住爭埋一份
吳鎮宇搶住爭埋一份
吳鎮宇搶住爭埋一份

古天樂自爆拍到最後一場動作戲時不慎受傷,縫了三針。

張家輝表示緬甸的外景拍攝不辛苦, 因為動作導演錢嘉樂安排得好。

吳鎮宇笑言要邀請古天樂任他的音樂劇嘉賓。

馬德鐘直言一直不知自己角色是忠還是奸。

古天樂自現身鄭秀文個唱後,他即變演唱會嘉賓大熱。

由三大影帝張家輝、古天樂(古仔)、吳鎮宇坐陣的新戲《使徒行者2諜影行動》,前晚(6日)在香港舉行首映禮, 劉偉強、樂易玲、馬德鐘、袁偉豪、陳山聰、張寶兒、王君馨、蔡潔等藝人亦現場撑場,星光熠熠。古仔透露在拍動作戲時不慎受傷, 縫了三針。而講到謝安琪和田蕊妮都搶著邀請他做演唱會嘉賓,古仔無奈指自己不知道,吳鎮宇聽聞笑言:「我音樂劇都爭人喎!」 (文:植筱詩)

一眾演員在接受訪問時,談到在緬甸外景的動作戲分,張家輝表示拍得不辛苦,因為動作導演錢嘉樂安排得很好,但古仔卻自爆拍攝最後一場戲時不慎受傷:「OK 嘅,事前準備功夫做得好好,但拍到最後一場爆炸戲,我隻右手撳咗落去啲玻璃碎,係咁流血,割得好深,喺當地睇醫生,怕影響神經線,但好彩冇事,最後鏠咗三針。」

張家輝要Jump樓梯

吳鎮宇聽聞即揶揄古仔:「鏠三針就唔好講喇!我嗰次拍文戲,鋸扒鋸到手指尾,都鏠咗兩針啦!」問到張家輝有沒有鏠針,他笑言:「我冇縫針,我Jump樓梯囉!」提到張家輝拍攝時曬黑了不少,他解釋:「我要追古仔,但黑極都黑唔到,我喺西班牙已經起勢咁曬,都係低咗兩度。」古仔聞言笑說:「打燈好辛苦,我要就番家輝,係咁敷面膜。」

女星紛紛邀請古仔

談及10月準備開香港紅館個唱的謝安琪,家輝指身邊朋友揚言只購買古仔做表演嘉賓的場次,問早前已擔任鄭秀文尾場嘉賓的古仔是否真的會再度任嘉賓?他說:「我唔知呀,嗰日好似有特別嘢做。」至於田蕊妮亦有意邀請古仔做演唱會嘉賓,他無奈指:「我真係唔知!」吳鎮宇笑說:「我音樂劇都爭人喎,古天樂會客串一、兩場,(咩角色?)是日餐單啦,所以謝安琪、田蕊妮唔好問住,音樂方面嘅嘢都係明爭暗鬥。」

馬德鐘唔知自己忠定奸

同場的張寶兒首度拍電影就可以到西班牙拍攝,更有男友袁偉豪陪伴。問到有否在當地順道參觀結婚場地?袁偉豪說:「結婚就未必揀嗰度,但我覺得度蜜月就OK,嗰邊嘅天氣幾乾爽,空氣都好好。」此外,有份演出的馬德鐘,他指導演不想劇情外洩,所以拍攝時劇本只得自己的戲分:「我剩係有自己嘅戲分,因為要保密,所以我拍到最後一場戲,我問導演其實我係好人定壞人。」

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

相關新聞

推薦新聞

找不到相關內容

七日預報