政府零溝通業界意興闌珊

環保回收業界陸世安表示，政府與業界零溝通，無法開展廚餘回收工作。（馮達輝攝）

政府將回收的廚餘製成肥料。 （環保局圖片）

在物質充裕的時代，浪費食物已成為普遍現象，廚餘回收利用便是它們的最後出路，鄰近不少地區商家已將廚餘回收發展成產業以獲取經濟效益。早在多年前，開設環保公司的陸世安看到這個商機，認為廚餘有著極大再利用價值，更可以發展成一條產業鏈，「如果做廚餘要做得大量，咁就造飼料，將廚餘造成魚糧，乾咗之後一包包運走係冇問題，但呢個投資相當大。」

作為回收商，需要將收取的廚餘分類處理，當中的成本相當大，「分好仲要用器皿裝好，廚餘要即日處理，唔係就會臭，呢啲係咪要成本要錢，仲要處理後卑下家處理，下家會要求你分類得好乾淨，呢啲廚餘處理之後有十噸，其實政府亦減少咗十噸焚化費用。」由於政府遲遲不出台相關政策，陸世安所有想法也只能紙上談兵，他表示政府與業界零溝通，讓業界無法開展廚餘回收工作，「政府從來都只同商業機構酒店之類去商討，從來冇同企業傾點樣處理廚餘，從商業角度睇，我哋睇唔到有任何政策有助推廣廚餘處理」。他又指，現時政府將廚餘製成肥料的政策方向不適合澳門經濟發展，「因為澳門唔係農業城市，做成肥料去向點樣，可唔可以出口呢？出口邊個要呢？唔可以出口咁喺本地可以賣幾多呢？根本無可能係一門生意」。陸世安稱曾前往台灣和澳洲了解廚餘回收產業，看到這些地區已經發展得相當成熟，但澳門則一直落後於他人，「只係靠企業自生自滅去做廚餘回收，係唔成功嘅，永遠都唔成功。」