奪標熱門德國於歐國盃C組煞科日賽事中，憑藉馬里奧高美斯一箭定江山，以一球小勝北愛爾蘭。這支世界盃盟主贏波後，以較佳得失球差力壓同得七分的波蘭，確保以分組首名晉級。次名出線的波蘭同日亦以一球淨勝「四零部隊」烏克蘭。
德國主帥路維（左）與入波功臣馬里奧高美斯擊掌慶祝。（法新社圖片）
馬里奧高美斯一箭定江山
德國今仗對北愛行軍迅速，爭取到多次埋門機會，但不是攻門中框，便是受制於表現出色的北愛門將麥高雲。全場唯一入球於29分鐘出現，今屆首任正選的馬里奧高美斯，接應回傳近門快腳抽入，助德國小勝1：0。
湯馬士梅拿分組三戰都未有入波，今戰亦「黑仔」先後中楣及中柱，仍未破入球荒，然而德國主帥路維賽後仍對愛將投信心一票：「我不擔心梅拿沒有入球，只是運氣問題，我有預感他在下場將會入波。」
德國與波蘭贏波後，分別以分組首、次名晉級，輸波的北愛也從愁變喜，這支三戰得三分的隊伍，因另一組的捷克輸波關係，肯定成為其中一支歐國盃16強隊伍。
球場多面睇
圖盧茲球場（Stadium Municipal）
容納人數：33,150人
啟用日期：1937年6月2日
今屆歐國盃賽事：
分組賽（三場）、16強（一場）
球迷至Shot
係「巴打」都知道，有「格仔」就一定多靚女仔！咪心邪！講緊嘅係「格仔兵團」克羅地亞！大家睇呢三位一身「格仔」打扮嘅克羅地亞女粉絲幾咁省鏡，就再一次證明識睇一定要睇「有格」！（法新社圖片）
烏克蘭揮一揮衣袖，不帶走一片雲彩，成為今屆歐國盃唯一零分球隊。烏克蘭女球迷愁眉心鎖，全世界男球迷更是哭得死去活來，未來幾個星期再冇烏克蘭靚女睇，日子點過！嗚！（法新社圖片）
下載APP