「紅魔」阿仙奴狼隊齊報捷

阿仙奴於分組賽取得3連勝佳績。

歐霸盃於澳門時間周五凌晨上演多場比賽，其中英超曼聯於L組造訪塞爾維亞的柏迪遜。雖然全場主隊有多達15次射門，但「紅魔」有法國前鋒馬迪爾臨完半場前射入12碼，結果憑此入球奠勝，以1:0險勝對手，終結長達7個月各項賽事作客不勝走勢。

全場唯一入球於43分鐘出現，「紅魔」小將班頓威廉斯壓入禁區被對方守衛踢跌，球證直指12碼，馬迪爾操刀一射中鵠，曼聯慿這記入球以1:0勝出。力保勝果的曼聯以3戰7分升上榜首，次席為同日以6:0大炒客軍艾斯坦拿的阿爾克馬爾。

同日進行的F組賽事，阿仙奴主場鬥葡超的甘馬雷斯。雖然球隊比賽中兩次落後，但有貴價新兵尼高拉斯比比把握罰球機會個人梅開二度，加上18歲巴西小將馬天尼利的頭槌入波，以3:2反勝對手，分組賽3戰全勝。

至於另一英超參戰份子狼隊，作客以2:1反勝布拉迪斯拉發，3戰得6分於K組排次席。葡超的布拉加同日作客以2:1擊敗比錫達斯，以7分暫排榜首。

（編輯：陳華清）

馬迪爾以12碼為曼聯奠定勝局。