張家輝新戲大玩心理戰

雖然張家輝和鄭則仕首度合作，但兩人一埋位拍攝已默契十足。

張家輝扮演一名懂催眠的心理學家，為一宗謀殺案擔任陪審團。

張家輝大讚三位導演分工十分清晰。

張家輝大讚金燕玲演出細膩，值得自己學習。

張家輝雖然未有接受相關訓練，可演起上來入型入格。

由黎兆鈞、施柏林、劉永泰聯合執導兼編劇， 影帝張家輝、王浩信、金燕玲、鄭則士及蘇麗珊等主演的新戲《催眠．裁決》，將於下月7日在澳門上映。張家輝今次扮演一名懂催眠的心理學家，為一宗謀殺案擔任陪審團，卻因女兒遭綁架，被逼用盡方法改變裁決。問到家輝支持新導演可有減片酬，他說：「今次除咗劇本好，佢哋都係信得過嘅導演，錢唔係大問題。」（文：植筱詩）

三位導演事前做足功課，更找來心理學相關專家，及大律師從旁為拍攝提供意見，令故事更添可觀及真實性。張家輝雖然未有接受相關訓練，演來卻入型入格，事關用語及姿態都有專人從旁提點，難怪拍檔之一的蘇麗珊早前談及拍攝時，亦大讚家輝帶她入戲，令她懷疑自己已進入被催眠狀態。家輝說：「大家都好緊張呢場戲，亦達到呢個效果，佢好投入，果一刻真係有部分被催眠狀態。」

老中青合作無Hea演

家輝今次與「陪審團成員」包括金燕玲和蔡瀚億等都是首次鬥戲，不過已做到上下一心：「七個人困咗喺『退庭商議室』開工十幾日，如果有人Hea演嘅話，時間會好難過，難得係我哋老中青都好幽默，日子過得好愉快，好似金燕玲咁表現細緻，互相提點吓氣氛好好。」問到家輝可試過當陪審，他說：「未試過，不過記得以前因拍電視劇關係，我試過去聽審，了解吓件事嘅運作。」

跟鄭則仕最有默契

問家輝可曾試過被催眠？他笑言：「唔敢！驚催眠咗講晒所有銀行戶口出嚟，又驚自己有啲隱性潛意識，如果畀人開咗鎖，醒返做啲黐線嘢就唔好。」而家輝透露多位演員中，跟鄭則仕最有默契：「佢喺每個拍攝鏡頭，都用有限嘅戲分盡量表現得最多，呢啲真係要好有經驗先做到，同佢對戲交流嗰種感覺好好，好開心有機會同佢一齊合作。」此外，家輝大讚金燕玲也是一個很執著的演員，演出十分細膩，值得自己學習。

大讚導演分工清晰

對於三位導演聯合執導，家輝大讚他們各自負責不同崗位，劉永泰會注重劇本方面，在拍攝現場睇實熒光幕留意有何變動；施柏林則觀察所有的運作；而黎兆鈞主力跟演員溝通，各人的分工絕對清晰，所以他們事前做足準備功夫，否則會令現場工作人員無所適從。而三位導演坦言最初撰寫劇本時，已選定張家輝做男主角：「佢近年拍動作片比較多，我哋就想畀套全文戲佢演，覺得會帶畀觀眾新鮮感。」