雖然是「男二」角色，但黎耀祥憑出色演技搶盡主角風頭。
黎耀祥表示，今次最大挑戰是要用普通話講古文對白。
黎耀祥參演入行以來首部內地古裝劇。
黎耀祥於劇中在王后的指揮下，不斷在宮中搞風搞雨。
TVB視帝黎耀祥（祥仔）近年尋求大突破，參演入行以來首部內地古裝劇《鳳弈》，目前該劇正在TVB熱播中。祥仔飾演一名貪圖利益的太監，將幾種不同的性格發揮得淋漓盡致，雖然是「男二」角色，未有擔正做主角，但他憑出色演技搶盡主角風頭。祥仔直言今次北上拍劇酬勞可觀，加上為力撑多年老友兼《巾幗梟雄》系列編審張華標，故《鳳弈》絕對是他非接不可之作。 （文：植筱詩）
祥仔為配合的劇中雙面人性格，他一時扮委屈，一時又勁霸氣，有時更要展現奸險一面，但他應付自如，連眼神亦相當懾人，令觀眾紛紛於網上留言讚他不愧是老戲骨。對此祥仔當然開心不已：「我覺得呢個角色有得發揮，其實過往都有啲演員戲份少，但最終都爆咗，所以演戲唔係要計百分比。」
自稱好人做到厭
祥仔希望接演多層次甚至古怪角色，直言近年多被安排做正直好人，笑言「好人難做」，也驚會做到厭，他坦言希望在演技上有新突破，就算客串亦不介意：「我成日叫監製唔好搵我做好人，好似『柴九』係小人物，會有情緒，做角色最緊要有人性，唔係完美咩都唔會嬲。」
堅持用普通話講對白
祥仔坦言接拍今次內地劇關鍵是該劇編劇張華標，有「金牌編劇」之稱的他，過往作品有《巾幗梟雄》系列等，當年更一手把祥仔事業推至高峰，今次找祥仔參與打入內地首部作品，祥仔自然以行動支持。鮮有返內地拍劇的祥仔亦表示，其中一大挑戰是熟讀普通話古文對白，雖官方必定再後製配音，但他仍堅持現場講普通話。祥仔亦笑言佘詩曼拍《延禧攻略》時用上「廣普交替」，他大讚對方超犀利：「呢招勁呀！但我覺得要轉Channel仲難！」而TVB 版本他亦會親自配音，令觀眾更有親切感。
下載APP