胡杏兒直認揀錯歌

因參加內地歌唱比賽節目《跨界歌王》而爆紅的胡杏兒，於昨日出席品牌活動，當被問到在最新一集比賽中演繹〈愛如潮水〉時，出現唱錯歌詞兼表情過分肉緊，結果被網民狠批一事，胡杏兒解釋失準是因怯場所致，她說：「今次發揮得唔好，自己太緊張又怯場。如果唱得唔好，就唔可以晉級，下一期要繼續唱。」

對於在演繹歌曲時的表情肉緊，胡杏兒會盡量改善。

早前，胡杏兒在節目上獻唱Adele的〈Someone Like You〉，結果被評判巫啟賢「O嘴」對待，問到胡杏兒會否因此感到尷尬？她說：「首歌係揀錯咗，已經唔記得佢講過啲乜。面對評委都會緊張，未試過參加類似比賽，揀歌時會比較嚴謹。想揀啲有難度又多人識嘅歌，但未必係自己最有把握嘅歌。

表情肉緊遭負評

對於在演繹歌曲時的表情肉緊，胡杏兒就解釋：「我自己好投入去唱，好難兼顧個樣要靚，但會盡量改善。」問到她面對如此眾多的負評，為何還參賽？她說：「乜嘢都要試，有啲對手都好強，好似小瀋陽。我真係冇諗過佢唱歌會咁好聽，其實參賽都係一種挑戰。」胡杏兒續說：「唱歌我真係唔叻，經常怯場，出碟時唱Live都會緊張！」

胡杏兒直認在比賽中選錯了歌。

出碟機會不大

有記者追問胡杏兒是否應該「獻醜不如藏拙」？胡杏兒直言：「參加完唔會再唱太多，因為都冇乜機會唱新歌。（要封咪？）咁又唔使去到『封咪』咁嚴重，係應該唔會出碟。其實我冇太多時間練歌同宣傳。」她又解釋這個節目的參賽者，全都是一些平常沒有機會唱歌的藝人，剛好條件和自己的情況相似，所以才會參賽。

昨日，胡杏兒出席品牌活動，被問到參賽的近況。