鄧紫棋（G.E.M.）自2014年參加湖南衛視《我是歌手2》喺內地爆紅後，開始主力北上發展。近日，G.E.M.受韓國歌手PSY邀請，參加另一音樂節目《蓋世音雄》。一向對時尚有「獨特」品味嘅G.E.M.，今次以由頭閃到落腳嘅金色造型現身，更以勁歌熱舞方式演繹經典歌曲〈喜歡你〉。G.E.M.話花咗好多心思準備今次演出，佢話：「準備嘅過程壓力非常大，呢次嘅舞蹈係一個新嘗試。」
鄧紫棋以勁歌熱舞方式演繹經典歌曲〈喜歡你〉。
G.E.M.似乎對Beyond嘅經典歌曲〈喜歡你〉情有獨鍾，繼喺《我是歌手2》施展獨有嘅「獅吼功」後，今次同PSY合作，就將歌曲改編成電音版舞曲。雖然G.E.M.非常落力又唱又跳，但佢今次嘅改編就被唔少網民狠批不倫不類，糟蹋Beyond嘅歌曲，更有人留言表示：「配埋同電音完全唔夾嘅舞步，真係冇文字可以形容，夠晒驚嚇。」
鄧紫棋嘅演出被網民狠批不倫不類，糟蹋Beyond嘅歌曲。
下載APP