Katy Perry年賺10

美國權威財產雜誌《福布斯》公布2015年全球最高收入歌手排行榜。排喺第一位嘅係美國歌手KatyPerry，佢由去年6月到今年6月嘅收入，高達10.8億元（澳門幣，下同），呢個收入仲排喺全球最高收入名人榜第三位，相當厲害。Katy Perry之所以吸金力咁強，係因為佢嘅世界巡唱一共唱咗17個月，先後去咗亞洲、澳洲、歐洲、北美及拉丁美洲，幾乎唱勻全世界。

                                      Katy Perry以10.8億元年收入成為《福布斯》最賺錢歌手。

至於英國男子組合One Direction，雖然早前是非不斷，但佢哋仍以年收入10.4億元排喺第二位。至於Katy Perry嘅死對頭TaylorSwift，就以年收入6.4億元排第四位，但係Taylor今年嘅世界巡唱仲未完結，所以佢明年嘅排名好可能會升上榜首。而Taylor嘅DJ男友Calvin Harris，亦以年收入5.3億元排第六位。

Taylor Swift以6.4億元年收入屈居第四位。