英國男星丹尼爾烈格夫（Daniel Radcliffe），憑《哈利波特》系列電影成名，佢飾演嘅「哈利波特」形象深入民心。為咗擴闊戲路，近幾年丹尼爾嘗試接拍唔同類型嘅電影，今年佢就一口氣拍咗三部完全唔同類型嘅戲，包括：今年年初喺美國辛丹斯影展首映嘅獨立喜劇電影《Swiss Army Man》、早前上映嘅荷里活魔術大片《非常盜2》，仲有嚟緊喺暑假期間推出嘅驚慄片《Imperium》。
為咗擴闊戲路，丹尼爾烈格夫不惜犧牲形象將頭髮剃光。
電影《Imperium》將於今年8月喺美國率先上映，丹尼爾喺片中再度堅負對抗「大魔王」嘅重任。佢飾演一名赤子之心嘅FBI探員，要對付美國恐怖分子，對方操控住信奉「白種人至上」嘅新納粹組織，仲仿照惡名昭著嘅「三K黨」招納成員。為咗對付恐怖分子，丹尼爾不惜犧牲形象將頭髮剃光，化身卧底深入組織調查，誓要搗破邪惡組織嘅陰謀。
丹尼爾烈格夫主演嘅《Imperium》將於今年8月喺美國率先上映。
下載APP