傅穎：係人生污點

已轉戰內地發展五年的傅穎（Theresa），除了在近日推出廣東新歌〈最好是你〉回歸樂壇外，亦推出新書《長成自己喜歡的模樣》再戰書展。Theresa指此書講及自己在人生谷底時，事業愛情雙失的感受。當講到「前度」（羅仲謙）時，她不屑重提對方的名字，更坦言和他拍拖是「人生一個污點」！

傅穎不屑重提舊愛名字，但坦言和對方拍拖是「人生一個污點」。

現年31歲的傅穎，在2011年曾傳出被「前度」羅仲謙毆打兼分手，由於感情瓜葛涉及第四者，而當時經理人公司為保人氣較高的羅仲謙，選擇雪藏傅穎，令到女方由原告變成被告。在北京發展期間，傅穎跌落人生谷底，因此寫書抒發情感。她更用了「分手後不再是朋友」、「不堪回首」、「謝當年不娶之恩」為題，寫下人生最難過的時刻。

在2011年，曾傳出傅穎被羅仲謙毆打一事。

有啲結係唔會解得開

談到這段經歷，傅穎表示：「當時由感情引發出其他問題，唔係誤會，係被扭曲！嗰段時期飽受輿論壓力，真係講乜都冇用，最慘係受委屈都要頂住，呢啲委屈係一世，好難淡忘。隔咗咁多年，感情當然係放低咗，但有啲結係唔會解得開嘅。」經一事，長一智，傅穎指人生上了寶貴一課，令她日後會帶眼識男仔。

昨日，傅穎穿小背心出席活動，更表示有機會和舊拍檔楊愛瑾合作拍電影。

大讚現任男友

談到現任內地男友時，傅穎即時甜笑說：「點講呢？真係唔識講喎！佢性格同脾氣都為我改變咗好多，我諗每個女仔都有少女心，好想做女王，佢喺各方面都好包容我，識得氹我，不過我係冇公主病㗎！」雖然和現任男友如此匹配，但傅穎表示暫時仍未有結婚生B的打算。