現年34歲嘅台灣前男子組合F4成員周渝民（仔仔），去月喺微博宣布同拍拖四年嘅女友喻虹淵結婚，引嚟唔少網民熱烈討論。近日，仔仔喺內地宣傳新戲時，被問到幾時擺酒，仔仔就話原本冇打算擺酒，但深思熟慮後改變咗主意，佢話：「考慮到結婚不只是兩個人的事，還要顧及雙方家長和禮俗，所以婚禮目前正在籌備中。」
周渝民去月喺微博宣布同女友喻虹淵結婚，引嚟網民熱烈討論。
仔仔話之前太投入電影角色，令自己萌生咗結婚嘅念頭，但佢講到明唔會請F4嘅三位隊友飲喜酒，仔仔解釋：「我不打算請圈內朋友，希望婚禮不要碰到和工作相關的人，簡單溫馨就好。」不過，佢話婚禮前會搞一個單身派對，到時會請嚟F4同圈中好友。問到幾時生BB ？仔仔就話：「我很喜歡小朋友，可能隨時會有驚喜。」
周渝民話唔會請F4 嘅三位隊友飲喜酒，但會請佢哋參加單身派對。
下載APP