喺剛結束嘅台灣「金馬獎」上，擔任主持人嘅林志玲著住校服扮《我的少女時代》嘅林真心，然後大銀幕播出言承旭喺戲中重遇林真心嘅片段。事實上，呢次係言承旭同林志玲喺2006分手後，首次隔空合作，唔少網民都希望佢哋可以復合。不過，言承旭近日被爆同32歲嘅台灣模特兒張熙恩拍拖，仲被人影到多次一齊去旅行！
言承旭同林志玲隔空合體，令唔少網民都希望佢哋可以復合。
據台灣媒體報道，去年3月，現年38歲嘅言承旭曾被拍到同張熙恩深夜唱K，之後兩人坐同一架車返住所。今年7月底，言承旭現身美國加州，當時張熙恩亦喺Facebook透露自己喺加州，到8月底，言承旭喺日本舉行粉絲見面會，而張熙恩又再次出現喺同一個地點。此外，言承旭早前宣傳新戲時，就話：「以前不懂事，現在我想要很認真的談戀愛了。」佢仲話好羨慕好友周杰倫可以遇到另一半。
下載APP