孖麥玲玲合唱全城哄動

林盛斌感激葉念琛欽點
22/01/2020
10893
收藏
分享
林盛斌感激葉念琛欽點
林盛斌感激葉念琛欽點
林盛斌感激葉念琛欽點
林盛斌感激葉念琛欽點
林盛斌感激葉念琛欽點
林盛斌感激葉念琛欽點

為宣傳新戲,林盛斌在TVB節目中作鬼馬演出。

麥玲玲對網民反應熱烈感到雀躍。

林盛斌和麥玲玲合唱〈好好戀愛〉,哄動全城。

由葉念琛執導,陳家樂、李靖筠(Gladys)、吳家麗、林盛斌(Bob)、麥玲玲(玲玲姐)主演的新戲《我的筍盤男友》將於本周五(25日)農曆大年初一開畫,為觀眾在鼠年帶來爆笑歡樂。近日,一班演員現身各大媒體宣傳新戲,當中以阿Bob和玲玲姐的演出最為震撼。兩人手拖手合唱鄧麗欣和方力申的經典金曲〈好好戀愛〉,「澎湃式」的演繹哄動全城,雖有網民指「耳朵受罪」,但也有人建議兩人合組情侶檔登台。對此,Bob表示感激導演欽點演出:「無論評語係好定壞,多謝網民嘅關注。」(文:植筱詩 圖:相關機構 )

在剛播出的TVB節目《流行經典50年》中,陳家樂、Gladys、阿Bob、玲玲姐、區永權、孫慧雪組成三個對唱組合,分別演繹〈刻不容緩〉、〈好好戀愛〉及〈來夜方長〉,大家事前秘密練兵,家樂及Gladys連日來曲不離口,務求加倍熟習由李克勤及容祖兒原唱的〈刻不容緩〉,家樂說:「其實我對自己嘅歌藝信心唔大,當年參加新秀只係因為我嘅表演慾強,鍾意拍片扮鬼扮馬逗人開心,老師同學就以為我熱愛唱歌,所以代我報名。」導演葉念琛一向多諗頭,他特別欽點Bob和玲玲姐合唱〈好好戀愛〉,網民迴響異常激動。對此,Bob笑言:「要多謝導演嘅建議,我同玲玲姐都唔係專業歌手,只係為咗新戲,所以盡量最大能力希望幫到手,無論評語係好或壞,我都好多謝所有網民嘅關注,好多人話我哋唱得好認真,係因為我哋對成件事非常尊重!」

陳家樂坦言對自己的歌藝信心不大。

Bob構思動作有寓意

知道要上節目,Bob每天在家反覆練唱,之後他又與玲玲姐構思了幾個動作,包括頭貼頭、面對面、男方從背後抱住女方,結果錄影時因為過分緊張,顧得唱來又怕忘詞,最終全部親密動作唔見影,只剩下唱到尾時Bob將手放在玲玲姐心口,Bob解釋:「呢個動作係有寓意嘅,係話一對已經分咗手嘅情侶,最後又走番埋一齊!」錄影時,現場工作人員笑到肚痛,Bob表示:「要向工作人員致歉,我哋錄影咗好幾次,阻人收工。」

林盛斌在賀歲片中的造型十分引人注目。

玲玲姐望成最佳組合

網民建議Bob與玲玲姐以情侶檔姿態登台,Bob表示:「我一向有表演唱歌,只不過平時做Show無錄影,點玩都可以!」玲玲姐則對網民反應熱烈感雀躍:「平時我同Bob出Show都係講嘢為主,我要講一、兩個鐘,Bob做晚宴更往往要講三、四個鐘,唱一首歌幾分鐘,好慳時間,都幾抵,希望我哋會成為2020年最佳組合!」她坦言,當Bob提出最後會將手放在自己心口,曾經反對:「其實Bob只係將手放喺我頸對落少少,未到心口,所以唔覺佢抽水。」

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

相關新聞

推薦新聞

找不到相關內容

實時天氣

溫度
20°C
濕度
95%
天晴,部份時間多雲。吹2至3級偏東風。
天氣資料由地球物理暨氣象局提供
在澳門時間 2020-02-25 21:00 發佈

七日預報

2月26日 (三)
溫度 27°C
濕度 99%
大致天晴。吹2至3級東至東南風。
2月27日 (四)
溫度 23°C
濕度 98%
天晴,部份時間多雲。初時有薄霧。吹微風,後轉3至5級偏東風及有陣風。
2月28日 (五)
溫度 23°C
濕度 95%
多雲,短暫時間有陽光。有幾陣微雨。吹3至4級偏東風,間中5級及有陣風。
2月29日 (六)
溫度 27°C
濕度 95%
天晴,部份時間多雲。吹2至3級東至東南風。
3月1日 (日)
溫度 24°C
濕度 98%
多雲,部份時間有陽光。早晚有薄霧。吹2至3級東至東南風。
3月2日 (一)
溫度 25°C
濕度 98%
多雲,部份時間有陽光。初時有薄霧。吹2至4級東至東南風。