疫情嚴峻影響拍攝進度

鄧麗欣「避炎」無得拍咀戲
28/02/2020
33140
收藏
分享
鄧麗欣「避炎」無得拍咀戲
鄧麗欣「避炎」無得拍咀戲
鄧麗欣「避炎」無得拍咀戲
鄧麗欣「避炎」無得拍咀戲
鄧麗欣「避炎」無得拍咀戲

新冠肺炎疫情持續,為免人群聚集增加感染風險,不少娛樂活動都宣佈取消或延期。不過,最近幫ViuTV演出新劇《男排女將》的鄧麗欣(Stephy)就如常開工拍攝,無懼肺炎疫情。早前她在社交網上貼出球場開工相,並且留言:「無論有多艱難,有些事情必須堅持!排球精神,球不著地,永不放棄!」不少粉絲都有為她打氣,但由於疫情嚴峻,新劇的拍攝進度難免有影響,甚至Stephy原本被安排有一場咀戲都要臨時取消。(文:黎永樂 圖:相關機構)

鄧麗欣現身天水圍為劇集開工,久未拍港劇的她愈拍愈習慣。

鄧麗欣前日(26日)與影壇新人顧定軒去到香港天水圍為新劇《男排女將》開工。久未拍攝港劇的Stephy,對上一部拍攝的擔正電視劇已是2003年TVB的《戀愛自由式》,今次笑言閉關近兩個月是全新體驗:「好耐未試過拍一套戲拍咁耐,通常喺香港拍電影最多都係一個月就完成;我入行第一年拍過電視劇,之後咁多年都冇喺香港拍過,一開始唔係好習慣,但係拍咗咁耐之後,慢慢同劇組、演員增進感情,大家好似一家人咁,我見佢哋仲多過見我媽咪,感覺好親切。」

唔跟陳宇琛錫錫

近日疫情肆虐,Stephy不諱言拍攝進度也受到影響,她說:「套戲有好多時會喺室內運動場、公共地方取景,所以好多場口都要暫時停拍,亦未知場地幾時重開。拍埋今日之後會停一停,等待消息。」但作為演員,拍攝時一定唔可能戴口罩上陣。」問到可有些親密場面需要改動?Stephy坦言原定要拍攝一場咀戲,但因為要「避炎」而取消。「原本我同阿Sam(陳宇琛)有場比較親密嘅戲,本身係要kiss嘅,雖然只係蜻蜓點水咁錫,但係大家喺互相尊重嘅情況下商議過,決定借位拍攝。」

鄧麗欣新劇孖影壇新人顧定軒拍攝,兩人將展開多場十分青春的排球賽事。

杜汶澤派口罩響應支持

其實Stephy在疫情期間,有媒體爆料指她見曾合作拍電影《空手道》的拍檔杜汶澤,日前從外地訂購過萬個口罩成功派送給社區有需要人士,Stephy都想為香港出一分力,知情者透露:「Stephy都好想做啲嘢,依家台灣都禁口罩出口,佢個台灣男友王子都愛莫能助,惟有問世界各地啲朋友有冇辦法,佢同阿澤(杜汶澤)講出唔到力都可以出錢,有咩幫到香港都預佢一份。」

除了要露面的鄧麗欣需「無罩」開工,劇組人員全部戴上口罩,做足防疫措施。

鄧麗欣坦言當日完成拍攝後講了幾句說話形容當下心情,叫大家不要太多聯想。

為煞科貼文解畫

另外,Stephy日前一則學校場景煞科貼文在社交平台引發熱議,Stephy對此表示:「呢個誤會真係大得嚴重,我自己都寫咗一篇文章去解釋。因為我寫即時動態,喺文字上冇咁複雜,用咗單句子表達。因為戲入面我嘅球隊力圖,喺嗰個場地奮鬥同成長,我哋對呢個地方好有感情,當日亦都係拍攝第50日,完成之後大家都好開心去慶祝,所以我就講咗幾句說話形容當下心情,我都覺得要同大家解釋返,希望大家明白,唔好太多聯想。」

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

相關新聞

推薦新聞

找不到相關內容

七日預報