昨日，萬綺雯以一身白色連身短裙出席公開活動，展示42吋長腿，非常搶鏡。萬綺雯表示因為檔期問題，被迫辭演今年11月拍攝的《老表3》，她說：「一年前有人搵我合作，係我一直都想做嘅嘢。到後來公司話年底會開拍《老表3》，我就開始頭痕，努力研究檔期，但咁啱嗰段時間我唔喺香港，真係好可惜。」
萬綺雯坦言《老表》系列是和TVB合作的第一劇，意義重大。
萬綺雯表示辭演《老表3》與酬勞無關，她說:「《老表》對我嚟講意義重大，因為係我同TVB合作嘅第一套劇，大家一齊捱更抵夜，感覺好唔同。」問她是否考慮在劇中客串彌補遺憾？萬綺雯表示：「真係要睇番檔期，因為我份人好難一心兩用，之前接咗嘅工作首先要做好，只好同自己講可以拍到前兩輯，已經好圓滿。」
萬綺雯表示因為檔期問題，被迫辭演今年年尾拍攝的《老表3》。
下載APP