沈震軒相隔四年，回歸無綫拍攝古裝劇《一笑渡凡間》，他坦言起初不太習慣：「對上一次拍嘅已經係《性在有情》。今次首星期每日都0430通告，最慘係離開無綫後，我搬咗去元朗住，依家返嚟齋車程都要一粒鐘！幸而由於新冠肺炎疫情關係，監製想我哋多啲休息，暫時每日一組戲，仲可以應付到。」提到今次接拍古裝，他大感興奮：「之前咁多年拍過一次咋，而且同蕭正楠及湯洛雯都係首次合作，好有新鮮感。（意味你回巢無綫？）同無綫簽咗幾部部頭，拍完呢部會繼續開，應該係時裝。其實原本都諗返內地開劇，但內地工作呢段時間暫停延後，咁啱無綫話不如開多套，真係好彩。」
沈震軒相隔四年回歸無綫，拍攝古裝劇《一笑渡凡間》。
下載APP