「欄王」劉翔自去年退役後,一直專注於公益事業上。今年5月,劉翔正式成立工作室宣布進軍娛樂圈,而他成為藝人嘅頭炮就係同表弟吉龍祥一齊參加內地競技真人秀《極速前進》第三季,同前奧運跳水冠軍郭晶晶及其老公霍啟剛等人比賽爭冠軍!雖然比賽未到最後,但各組都已經施展出渾身解數。喺播出嘅最新一集中,更預告劉翔會Cosplay成美少女戰士。
在預告片段中,劉翔化身美少女戰士中嘅「月野兔」,一臉茫然坐喺東京接頭嘅欄杆上,當發現有鏡頭拍自己時,劉翔無奈話:「拍我幹嗎?不要拍我。」雖然鏡頭只出現短短三秒,但已成功引起網民熱烈討論,更有人留言表示:「劉翔你是怎麼了?生無可戀了嗎?」