「欄王」劉翔自去年退役後，一直專注於公益事業上，直至今年5月，佢成立自己嘅工作室有意進軍娛樂圈。近日，劉翔同表弟吉龍祥一齊參加內地真人競技節目《極速前進》第三季，同前奧運跳水冠軍郭晶晶及其老公霍啟剛等人比賽爭冠軍！雖然比賽剛播出兩集，但各組都已經施展出渾身解數瞓身演出，喺最新一輯預告片中，劉翔更Cosplay扮美少女戰士。
劉翔同表弟吉龍祥一齊參加內地真人競技節目。
喺預告片中，劉翔化咗個大濃妝、戴住金色假髮同著住水手服，化身成美少女戰士中嘅「月野兔」，一臉茫然咁坐喺東京街頭嘅欄杆上。當發現有鏡頭對住自己時，劉翔十分抗拒話：「拍我幹嗎？不要拍我。」雖然鏡頭只係出現短短三秒，但已成功引起網民熱烈討論，有唔少粉絲都話劉翔為咗節目博到盡，更有人留言表示：「劉翔你是怎麼了？生無可戀了嗎？」
劉翔扮美少女戰士中嘅「月野兔」，令唔少網民都大吃一驚。
下載APP