多謝姊妹黃心穎送祝福

湯洛雯視馬國明為結婚對象
15/06/2020
48232
收藏
分享
湯洛雯視馬國明為結婚對象
湯洛雯視馬國明為結婚對象
湯洛雯視馬國明為結婚對象
湯洛雯視馬國明為結婚對象
湯洛雯視馬國明為結婚對象

馬國明和湯洛雯高調認愛後,獲無數網民送上祝福。

無綫視帝馬國明(馬明)自從與黃心穎分手後,戀情一直未有著落!近日有港媒爆出馬明與細他13年的湯洛雯(靚湯)相戀,報道一出,兩人沒有避嫌且高調認愛,就連靚湯爸爸湯鎮宗都公開大讚「未來女婿」有禮貌又踏實。昨日(14日),靚湯為新劇開工拍攝,不論在電視城還是拍外景都被大批傳媒追訪,她更大方甜爆激讚男友優點多,兩人三觀相似,更視他為一生一世的對象;至於提到好姊妹黃心穎送祝福,湯洛雯即以認真mode多謝對方。(文:黎永樂)

馬國明與湯洛雯直認戀情後即獲外界送上祝福,大批網民湧進二人社交網留言恭喜,兩人也十分識做,前晚(14日)凌晨3時許仍然未捨得瞓,齊齊上社交網夾好時間一齊在限時動態出Post,貼上代表兩人的定情「小馬和獨角馬」公仔相,並留言放閃:「獨角和小馬跟大家說:大家全部窩心的祝福我們全收了,我們會懷著感恩珍惜的心一直走下去。」之後靚湯亦貼出有漫畫家為她和馬明畫的戀愛感滿滿的cute版漫畫,並滿意地說:「This is so cute thanks!」

蕭正楠(右)指馬國明年紀唔細,搵啱對象就要去馬!

馬國明和湯洛雯曾合作過無綫劇《心理追兇》,更有不少甜蜜咀戲。

靚湯甜爆讚馬明夠孝順

直到昨日,湯洛雯為TVB劇集拍外景去到郊野公園,她到達公園一下車即被記者追問戀情。被問到馬明有甚麼吸引靚湯?她笑言:「我都諗唔到呀,哈哈!孝順囉。」問到父親節會否和馬明跟家人一起慶祝?靚湯說:「度緊期,有機會有時間咪一齊慶祝囉!」至於提到她的好姊妹黃心穎是否一早知悉兩人在一起時,靚湯即拒答。談到和馬明拍拖,會否視對方為結婚對象?靚湯就大方回應:「其實每次拍拖都係認真嘅,太長遠嘅嘢未開始諗,因為太新啦!啱啱開始,不過都好多謝大家嘅祝福,我見網上都有好多祝福我哋,所以好感恩,希望大家畀啲空間我哋發展啦!」

湯洛雯(右)多謝好友黃心穎送上祝福,她指和馬國明一起是緣分。

佛系男友優點多夠簡單

此外,湯洛雯亦有在出發拍外景前,在電視城接受記者訪問,她公開大讚男友性格夠簡單,靚湯表示:「佢同我都好錫父母,有共同話題,三觀又好似,我哋都好佛系,大家都咁宅,哈哈!佢好善良,我最鍾意…⋯有啲怕醜添!佢喺人哋面前同喺我面前係唔同,佢好冷靜、成熟、穩重。」她更直言馬明給她很大安全感,並冧爆承認兩人拍拖以結婚為目標,視對方為一生一世的對象。對於有指她接收了姊妹黃心穎的舊愛和工作,而心穎知兩人拍拖也有送祝福,靚湯就認真答:「多謝祝福,其實都係緣分,我同佢一齊係冇計劃嘅。」

蕭正楠爆馬明日日探班

而跟靚湯一起拍外景的蕭正楠都有祝賀馬明和靚湯拍拖,他說:「之前都有分別Send Message恭喜佢哋。(有否發現一啲拍拖徵兆?)佢兩個都幾好戲!但發覺馬國明最近好黐我,係因為我同靚湯開工,原來我冇乜吸引力,不過真係好戥佢哋開心。」對於二人以結婚為前提拍拖,阿蕭一聽即抵死笑說:「今年搞埋佢啦!佢(馬國明)都唔細,係搵啱對象嘅話,拍拖時間長短都唔係重點,再要講肉麻嘅話,除咗我之外,馬國明就係第一,佢哋兩個應該會互相氹對方。」

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

相關新聞

推薦新聞

找不到相關內容

七日預報