「安心偷食」後首現身公開活動

許志安提鄭秀文眼濕濕
15/06/2020
55241
收藏
分享
許志安提鄭秀文眼濕濕
許志安提鄭秀文眼濕濕
許志安提鄭秀文眼濕濕
許志安提鄭秀文眼濕濕
許志安提鄭秀文眼濕濕
許志安提鄭秀文眼濕濕

許志安自去年「安心偷食」後首度出席公開活動,大批記者到場圍訪,逼爆現場。(ViuTV提供)

許志安去年與黃心穎爆出「安心偷食」後,兩人形象直插谷底。(黃心穎IG圖片)

鄭秀文支持老公許志安復出。(鄭秀文IG圖片)

自許志安(安仔)上年與黃心穎爆出「安心偷食」後,安仔除了開記者會道歉後,就沒有出席任何公開場合露面。今日(15日),獲老婆鄭秀文(Sammi)支持復出的安仔,事隔一年再度出發,出席ViuTV的音樂節目《Chill Club》擔任嘉賓,在進行錄影前,他亦向大家交代自己的心路歷程。

「經過呢段時間沉澱靜思反省學習,覺得自己成長咗好多,呢段時間係有啲困難,當我每次面對自己起點喺邊時,我都盡力向前望,今日覺得呢個係好好嘅時間出嚟面對自己、社會同群眾,呢件事發生令我喺未來日子行得更多,要重新出發,做好自己。呢段時間用咗好多時間陪屋企人,因為知道屋企最重要,同埋好好裝備自己,陪多啲屋企人,讀書做運動、鍛煉好自己,深深知道自己之後點樣行,今日係時候出嚟見大家,承擔自己講過嘅嘢,畀時間自己靜思己過。」

安仔提到Sammi時,更講到眼濕濕,他續說:「大家知而家疫情,今日想畀大家知我已經準備好,唔敢講未來係點,但我一定100%比以前好,復出唔敢講,交畀公司。我太太同我講要100% Ready,心態要有正面,我問自己真係可以,係有少少緊張,見好多朋友,要有勇氣承擔面對將來。(太太有支持?)太太冇特別講咩,佢話自然啲,要對自己有信心,呢段時間除咗修理自己,因為自己隻狗Lucky都老,呢段時間更差,開始行唔到,喺佢身上學到珍惜,花多咗時間照顧佢,都值得,陪咗我咁耐,希望佢可以開心啲,呢個倒數日子。 」

問到安仔有否和黃心穎聯絡,他肯定的說:「冇,以前嘅嘢過咗,大家畀時間我,我知道要人接受要畀時間,我係好有信心同自己講每一步都做好,呢個係錯誤嘅傷痕,每次見返我會提醒自己。」(編輯:黎永樂)

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

相關新聞

推薦新聞

找不到相關內容

七日預報