許志安近日復出，獲老婆鄭秀文百分百支持。（微博圖片）
鄭秀文（左）到TVB電視城錄影《Do姐有問題》，並接受傳媒訪問大談許志安復出一事。（鄭裕玲IG圖片）
天后鄭秀文（Sammi）今日（18日）為主演的電影《聖荷西謀殺案》進行宣傳，她先與蔡卓妍（阿Sa）一起到TVB電視城錄影《Do姐有問題》後，再接受媒體訪問。「安心偷食」相隔一年有多，Sammi老公許志安（安仔）日前終於復出錄影音樂節目，他表示要多謝太太百分百支持，Sammi對此表示：「冇刻意去支持，大家都住喺同一間屋，一步步嚟啦，始終出嚟面對群眾、面對呢個世界，自己承擔自己嘅事。幾時出嚟佢都有問我意見，我同佢講自己決定，因為你要自己去面對，當你ready嘅時候就去做，畢竟都年幾。」
Sammi指自己有提醒安仔要好好練歌，始終經歷過這件事後，要面對群眾是一個很大的心理關口，安仔能夠跨過這一步，Sammi也為此感到高興。問到Sammi和安仔的二人感情是否也跨進一大步？Sammi說：「唔敢話跨唔跨過，一齊面對，唔係有事就得佢一個面對，夫妻是但一個出事，要一齊嚟承擔，呢個係面對婚姻同關係入面好重要嘅階段。」Sammi亦指此事令她變得更成熟，安仔也改變了很多，她續說：「觀眾就要慢慢感受吓佢嘅改變同進步，有時我覺得摜低一鋪都唔係唔好事，我以前都由『臭four』到而家，係一個階段，當然過程係痛苦同慘烈，當回望過去就會覺得好好，因為會變得更好，會覺得值得。」（編輯：黎永樂）
下載APP