麥雅緻（Angie）去年約滿離開TVB後即轉做親子KOL，經常在社交網大晒家庭樂，而前日（17日）則是Angie的39歲生日，Angie訂了酒店慶祝，晚上更撇低一對寶貝仔女，與老公張穎康享受二人世界。兩公婆更在社交網激罕貼出Angie與6歲大女張雅喬（小豆）的泳裝照，又有一家人錫錫兼一起切蛋糕的開心相，並留言：「今（前）日係我家麥大人嘅生日，多謝大家嘅祝福先！疫情關係唔可以外遊，但係無阻我哋留港慶祝！ 中午同小朋友游游水，食蛋糕，夜晚就係爸爸媽媽嘅『We time』！」Angie昨日亦回覆傳媒，她笑言激罕性感泳照要得到老公批准才可公開，她又指暫未有計劃再生多個，一切隨緣。
麥雅緻孖囡囡晒出激罕泳裝。
麥雅緻與張穎康一家四口到酒店慶祝生日。
下載APP