近年轉戰內地發展嘅「力王」樊少皇，今年元旦同細十歲嘅賈曉晨（JJ）低調結婚。噚日，有報道指樊少皇同朋友借咗一筆數百萬嘅巨款，仲畀埋證件副本兼打指模。但由於樊少皇過咗期都一直唔還錢，所以呢位朋友就搵人向樊少皇追數，但樊少皇就一直冇影，就連電話號碼都改埋，最後搞到畀人追數追到老婆JJ屋企，不過就叫極都冇人應門。
對此，JJ接受訪問時力撑老公冇爭人錢，仲強調佢哋都係受害者。JJ話：「事實上係人哋爭老公錢，成件事係畀人呃，但係我哋一直冇時間去處理，不過而家我哋選擇報警。」問到對方點解有晒樊少皇證件副本同指模，仲簽晒欠單？ JJ就話會相信自己老公，佢話：「如果真係有啲咁嘅事，佢哋應該報警處理，始終呢個唔係小數目，唔係簡單嘅事，我會搵律師處理。」
樊少皇被爆爭人數百萬巨款唔還錢。
賈曉晨相信老公樊少皇冇爭人錢，仲強調佢哋係受害者。
下載APP