《娛樂大家》一眾主持和嘉賓無戴口罩進行錄影。（TVB圖片）
一眾TVB娛樂新聞台主播（左起：陳詩欣、周奕瑋、鄭衍峰、周佩婷）錄影時均有戴上口罩。（IG圖片）
香港爆發第三波疫情，無綫電視城再度「失守」！今日（9日），有報道指TVB娛樂新聞台一名英文名Joey的男性導演前晚確診新冠肺炎，與他同住的三名家人亦不幸中招，令電視城一眾台前幕後人心惶惶！無綫隨後公布官方消息，指約30人曾接觸該名導演，TVB將安排全部人接受檢測。不過，無綫暫時仍未叫停節目錄影和劇集宣傳。
最近即將播影新劇《過街英雄》的男主角森美準備進行一連串宣傳活動，有傳媒聯絡森美，問到無綫有導演確診，稍後要返電視城錄影《娛樂大家》和宣傳劇集《過街英雄》，他會否擔心中招？森美說：「唔擔心嘅，因為導演幕後全部都戴口罩，我哋同佢哋對話時都有戴罩，我哋係拍攝時唔戴口罩，當然透明嗰個就唔可以同口罩相提並論啦，不過聊勝於無，所以幕後有（確診），我哋都唔需要太擔心嘅，不過action拍緊就冇計啦，action完一cut機即刻要戴返口罩保障自己、保障大家囉。」
不少台前幕後工作人員列入緊密接觸者名單，一眾娛樂新聞台主播受訪時口徑一致，表示近期都沒有與該導演接觸。主播之一的陳詩欣表示：「其實我冇接觸過導演，平時我哋做廠見唔到導演，不過我都知道呢個消息，公司亦都安排當中。為咗安全，我哋會盡快去做檢測。」另一主播周奕瑋亦說：「其實我哋主持同幕後喺唔同嘅辦公室工作嘅，所以平時都冇乜機會接觸，平時返工都全程戴住口罩唔會除，依家都等公司安排檢測或者進一步嘅安排，多謝大家關心。」而馮盈盈緋聞男友鄭衍峰就表示：「我有做廠啊，但以我記憶都有兩三個禮拜冇見過佢，所有嘢等公司安排啦。今次唔係太擔心，只係希望確診者無事啦。」（編輯：黎永樂）
下載APP