森美表示第一次為劇集宣傳，先知道每一次都可以係最後一次。（森美Facebook圖片）
森美首次擔正TVB劇男一角色，飾演有超能力的「過街英雄」。（TVB劇照）
無綫新劇《過街英雄》明晚（17日）正式首播，這也是森美首次擔正TVB長劇的男主角，對上一次任第一男主角已是2007年演單元劇《森之愛情》。劇集未播卻惹來杯葛風波，問到森美會否擔心劇集會引來網民罷睇，他昨日宣傳劇集時，被問到會否擔心收視受杯葛風波而有所影響？森美即謂：「唔驚，無所謂，依家呢個世界唔知個結果係點，可能因為呢種宣傳而更多人睇。（但呢套劇網上已經有得睇，會影響收視？）唔驚，我啲粉絲睇咗，佢哋應該會喺電視睇多次。」
不過，未知是否因杯葛風波有感而發，森美最近亦在社交網表示：「以前冇咁珍惜工作，而家先知道每一次都可以係最後一次。就算係第一次，尤其係今次，今次第一次為劇集宣傳。風風雨雨中，希望令你輕輕鬆鬆。」
至於談到首次擔任男主角的感覺，森美表示心情輕鬆：「細個就會緊張，而家知道成套戲都係整體合作。我好公平嘅，好嘅唔止因為我，差嘅都唔只係我，咁就冇壓力啦。」對於競逐年尾視帝寶座？他笑言：「我拍第三套（TVB長劇）就做男一啦，如果有『跳躍』進步男藝人就肯定係我啦，不過飛躍就冇啦。如果冇呢個獎，視帝都可以考慮吓參與嘅，最佳主持都攞咗兩次，都有啲悶。」不過森美純屬開玩笑，他表示很多藝人都很努力，自己奪獎甚有難度。他補充：「大家以為係真就死啦，哈哈。」（編輯：黎永樂）
下載APP