陳智燊（Jason）與宋熙年迎來第二位公子！Jason昨日（9日）於社交網公布喜訊，指細仔Jamie平安出世，相中所見，Jamie眼大大、面圓圓，頭髮濃密，十分可愛。Jason接受港媒訪問時難掩喜悅，更以「好攰」來形容現時湊兩個小朋友的情況：「原來屋企有個兩歲小朋友同初生BB，係好熱鬧但亦好攰，好彩哥哥Damon黐爸爸，咁媽媽就唔使分身可以專心湊細佬，有時望吓個鐘好快已經係晚上7、8點，搞完阿哥，攬吓細佬，咁就一日，都唔知可以用乜嘢說話嚟形容嗰種忙同充實。（現在心情如何？）之前生第一胎會緊張，今次冇咗，不過因為疫情，去醫院都會有小小緊張，但醫院嘅護士同醫生都非常專業，照顧得好好，反而喺醫院送小朋友返屋企嘅時候，就要好小心。」
宋熙年平女誕下第二胎Jamie。
陳智燊雖然覺得湊兩個小朋友好攰，但他仍然難掩再做爸爸的喜悅。
下載APP